କିଟ ନେପାଳୀ ଛାତ୍ରୀ ମୃତ୍ୟୁ ଘଟଣା । କିଟ୍ କର୍ତ୍ତୃପକ୍ଷଙ୍କୁ ଦାୟୀ କଲେ ଜାତୀୟ ମାନବାଧିକାର ଆୟୋଗ । NHRC ସଦସ୍ୟ ପ୍ରିୟଙ୍କ କାନୁନଗୋ କହିଲେ, ଛାତ୍ରୀଙ୍କ ସୁରକ୍ଷା ନେଇ ଆଦୌ ଚିନ୍ତିତ ନଥିଲେ କିଟ୍ କର୍ତ୍ତୃପକ୍ଷ । ସମ୍ବେଦନଶୀଳ ଘଟଣାକୁ ଅତି ହାଲୁକା ଭାବେ ନେଇଥିଲେ । ଆଇନମନ୍ତ୍ରୀ କହିଲେ NHRC ରିପୋର୍ଟ ଆଧାରରେ ନିଆଯିବ ପଦକ୍ଷେପ ।

୪ ସପ୍ତାହ ଭିତରେ କାର୍ଯ୍ୟାନୁଷ୍ଠାନ ରିପୋର୍ଟ ଦାଖଲ କରିବାକୁ ମୁଖ୍ୟ ସଚିବ, ଖୋର୍ଦ୍ଧା ଜିଲ୍ଲାପାଳ, ପୋଲିସ କମିଶନର, ୟୁଜିସି ଏବଂ ନ୍ୟାସନାଲ ଆସେସମେଣ୍ଟ ଆଣ୍ଡ ଆକ୍ରିଡେସନ କାଉନସିଲ ଅଧ୍ୟକ୍ଷଙ୍କୁ ନିର୍ଦ୍ଦେଶ ଦେଇଛନ୍ତି । ପୋଲିସ ତଦନ୍ତର ଅଗ୍ରଗତି ସମ୍ପର୍କରେ ରିପୋର୍ଟ ଦାଖଲ କରିବେ ଭୁବନେଶ୍ୱର ଏବଂ କଟକ ପୋଲିସ କମିଶନର।

NHRC ସଦସ୍ୟ ପ୍ରିୟଙ୍କ କାନୁନଗୋ କହିଛନ୍ତି, ଛାତ୍ରୀଙ୍କ ସୁରକ୍ଷା ନେଇ ଆଦୌ ଚିନ୍ତିତ ନଥିଲେ କିଟ୍ କର୍ତ୍ତୃପକ୍ଷ । ସମ୍ବେଦନଶୀଳ ଘଟଣାକୁ ଅତି ହାଲୁକା ଭାବେ ନେଇଥିଲେ । ୟୁଜିସି ଗାଇଡଲାଇନର ଉଲ୍ଲଘଂନ କରିଛି କିଟ୍ । ସେ କହିଛନ୍ତି, ନେପାଳି ଛାତ୍ରୀଙ୍କୁ ବ୍ଲାକମେଲିଂ କରାଯାଉଥିବା ଏବଂ ଯୌନ ନିର୍ଯାତନା ଦିଆଯାଉଥିବା ନେଇ ପୀଡ଼ିତା ଜଣକ କିଟ୍ କର୍ତ୍ତୃପକ୍ଷଙ୍କୁ ଅଭିଯୋଗ କରିଥିଲେ । କିନ୍ତୁ କିଟ୍ କର୍ତ୍ତୃପକ୍ଷ ଏନେଇ ଥାନାରେ କୌଣସି ଅଭିଯୋଗ କରିନଥିଲେ। କୌଣସି ଆକ୍ସନ ମଧ୍ୟ ନେଇନଥିଲେ । ଯେଉଁଥିପାଇଁ ପୀଡ଼ିତାଙ୍କର ମୃତ୍ୟୁ ହୋଇଛି । ପୀଡ଼ିତାଙ୍କ ଆତ୍ମହତ୍ୟା ପାଇଁ କିଟ୍ କର୍ତ୍ତୃପକ୍ଷ ପ୍ରୋତ୍ସାହିତ କରିଛନ୍ତି ।

ଆଇନମନ୍ତ୍ରୀ ପୃଥ୍ବିରାଜ ହରିଚନ୍ଦନ କହିଛନ୍ତି, ଏହା ଏକ ସ୍ପର୍ଶକାତର ଘଟଣା। ଆଇନରେ ଗଳା ବାଟ ରହିବନି । ଯେତେ ବଡ ଲୋକ ହେଉନା କାହିଁକି ଆଇନ ଦୃଷ୍ଟିରୁ ଯାହା ପଦକ୍ଷେପ ନେବା କଥା ନିଆଯିବ । ହ୍ୟୁମାନ ରାଇଟସ କମିଶନ ଯେଉଁ ରିପୋର୍ଟ ଦେଇଛନ୍ତି ସେହି ଅନୁସାରେ ପଦକ୍ଷେପ ନିଆଯିବ।

କିସ ସମ୍ପର୍କିତ ଶିଶୁ କଲ୍ୟାଣ କମିଟିର କାର୍ଯ୍ୟକାରିତା ବିଷୟରେ ସ୍ପଷ୍ଟିକରଣ ଦେବାକୁ ଖୋର୍ଦ୍ଧା ଜିଲ୍ଲାପାଳଙ୍କୁ ମଧ୍ୟ ନିର୍ଦ୍ଦେଶ ଦେଇଛନ୍ତି NHRC ।