ଡାକ୍ତରଖାନାରେ ପାଣି ପାଣି । ପାଣିରେ ଭାସୁଛି CT SCAN ଓ MRI ମେସିନ୍। ବାରିପଦା ସହର ସ୍ଥିତ ଜିଲ୍ଲା ମୁଖ୍ୟ ଚିକିତ୍ସାଳୟ ପରିସରରେ ଥିବା ନିଶୁଳ୍କ ନିବାରଣ ସେବା ଅନ୍ତର୍ଗତ 'C.T SCAN ଓ MRI ବିଭାଗରେ ଦେଖିବାକୁ ମିଳିଛି ଏ ଦୃଶ୍ୟ । C.T SCAN ଓ MRI ଚେମ୍ବରରେ ଲହଡ଼ି ଭାଙ୍ଗୁଛି ବର୍ଷା ପାଣି । ଲଗାଣ ବର୍ଷା ଯୋଗୁ ଡାକ୍ତରଖାନାରେ ଏ ସ୍ଥିତି ଉପୁଜିଛି । ଫଳରେ ଲକ୍ଷ ଲକ୍ଷ ଟଙ୍କାର ମେସିନ୍ ସବୁ ଏବେ ପାଣିରେ ନଷ୍ଟ ହେବାକୁ ବସିଛି । ନିଶୁଳ୍କରେ ସେବା ଯୋଗାଇ ଆସୁଥିବା ଏହି ବିଭାଗରେ ଏବେ ଦୟନୀୟ ପରିସ୍ଥିତି । ବିପଦ ସଂକୁଳ ଅବସ୍ଥାରେ ଚାଲିଛି ରୋଗୀ ସେବା ।

ରାଜ୍ୟରେ ଗତ କିଛି ଦିନ ହେବ ନାହିଁ ନଥିବା ବର୍ଷା ଲାଗି ରହିଛି। ଯାହା ପ୍ରଭାବରେ କେଉଁଠି ଘର ଭିତରେ ପାଣି ପଶିଲାଣି ତ ଆଉ କେଉଁଠି ମେଡିକାଲ ଭିତରେ। ତେବେ ମେଡିକାଲ ଭିତରେ ଏତେ ମାତ୍ରାରେ ପାଣି ଥିବା କାରଣରୁ ରୋଗୀ ସେବା ବିପର୍ଯ୍ୟସ୍ତ।