ଗୋଟିଏ ଚୁକ୍ତିରେ ତିନିଟି ପ୍ରକଳ୍ପ । କୋରାପୁଟ ଜିଲ୍ଲା ବୈପାରୀଗୁଡା ବ୍ଲକ ତେନ୍ତୁଳିଗୁମ୍ମାରେ ମିନାକ୍ଷୀ ହାଇଡ୍ର ପାୱାର ପ୍ରକଳ୍ପର କାରନାମାକୁ ନେଇ ଏବେ ବିବାଦ । ହାଇଦ୍ରାବାଦର ଏହି କଂପାନୀ ୨୦୦୪-୦୫ ମସିହାରେ ତତ୍କାଳୀନ ରାଜ୍ୟ ସରକାରଙ୍କ ସହ ଚୁକ୍ତି କରି ପ୍ରକଳ୍ପ କାର୍ଯ୍ୟ ଆରମ୍ଭ କରିଥିଲା । ୨୦୧୫ ସମିହାରୁ ୨୫ ମେଗାୱାଟ ବିଦ୍ୟୁତ ଉତ୍ପାଦନ କରୁଛି । ହେଲେ ଏହାରି ଭିତରେ ଦ୍ବିତୀୟ ପ୍ରକଳ୍ପ ସାରି ତୃତୀୟ ପ୍ରକଳ୍ପ ନିର୍ମାଣ କରୁଛି । ସରକାରଙ୍କ ନିୟମକୁ ଖାତିର ନାହିଁ । ତୃତୀୟ ପ୍ରକଳ୍ପ ନିର୍ମାଣ ପୂର୍ବରୁ ହୋଇନାହିଁ କୌଣସି ଗ୍ରାମସଭା କିମ୍ବା ପଲ୍ଲିସଭା । ଏପରିକି ଜଙ୍ଗଲ ଓ ପରିବେଶ ସମ୍ବନ୍ଧୀୟ କୌଣସି କାଗଜ ପତ୍ର କରିନଥିବା ଅଭିଯୋଗ ହୋଇଛି । ତେଲେଙ୍ଗାନାର ଏହି କମ୍ପାନୀ ନିଜ ସ୍ଵାର୍ଥ ପାଇଁ ଲୋକଙ୍କ ଜୀବନକୁ ମଧ୍ୟ ଗୁରୁତ୍ଵ ଦେଉନାହିଁ। ଏହି ଅଞ୍ଚଳ ଧଣ୍ଡରାଖୋଲ ସଂରକ୍ଷିତ ଜଙ୍ଗଲ ହୋଇଥିବାରୁ କିପରି ପ୍ରକଳ୍ପ ନିର୍ମାଣ ହେଉଛି ତାକୁ ନେଇ ଉଠିଛି ପ୍ରଶ୍ନ ।

ଜଙ୍ଗଲ ନଷ୍ଟ ସହ ପରିବେଷ ଦୂଷିତ ହେବାର ଭୟ । ବାଦୁଡିପାର, ଅଟାଲଗୁଡା ଓ ମାଳିପଦର ଗାଁ ଏହି ପ୍ରକଳ୍ପ ଦ୍ୱାରା ଜଳମଗ୍ନ ହେବାର ଆଶଙ୍କା । ମୂଲ୍ୟବାନ ଗଛ କଟା ଯାଇଛି । ବୃକ୍ଷରୋପଣ କରାଯାଇନି । ସ୍ଥାନୀୟ ଯୁବକ ଯୁବତୀଙ୍କୁ ନିଯୁକ୍ତି ନ ଦେଇ ବାହାର ଲୋକଙ୍କୁ ନିଯୁକ୍ତି ସୁଯୋଗ । ଶିକ୍ଷା ଓ ସ୍ୱାସ୍ଥ୍ୟ, ଗମନାଗମନର ଦୂରାବସ୍ଥା । ଲୋକଙ୍କ ଏହି ଅଭିଯୋଗ ନେଇ ମିନାକ୍ଷୀ ହାଇଡେ୍ରା ପାୱାର ପ୍ରକଳ୍ପର ଉଚ୍ଚ । କର୍ତ୍ତୃପକ୍ଷ କ୍ୟାମେରା ସାମନାରେ କିଛି କହିବା ପାଇଁ ମନା କରିଛନ୍ତି । ଜୟପୁର ଉପଜିଲ୍ଲାପାଳ କହିଛନ୍ତି ତଦନ୍ତ କରି ବିହିତ କାର୍ଯ୍ୟନୁଷ୍ଠାନ ଗ୍ରହଣ କରାଯିବ।