କୋରାପୁଟ: ଦୋକାନ ଘର ଛାତ ଭୁଶୁଡ଼ିଲା, ୪ରୁ ୫ ଜଣ ଫସି ରହିଥିବା ଆଶଙ୍କା । ଆରକ୍ଷୀ ଅଧିକ୍ଷକଙ୍କ କାର୍ଯ୍ୟାଳୟ ସାମ୍ନାରେ ଅଘଟଣ ଘଟିଛି । ୨୫ ବର୍ଷର ପୁରୁଣା ଦୋକାନ ଘର ଭୁଶୁଡ଼ି ପଡ଼ିଛି । ମରାମତି ସହ କିଣାବିକା ଚାଲିଥିବା ବେଳେ ଛାତଟି ଭୁଶୁଡ଼ି ପଡ଼ିଥିବା ସୂଚନା ମିଳିଛି ।

ଦୋକାନ ଘର ଛାତ ଭୁଶୁଡ଼ିବା ପରେ ଆରମ୍ଭ ହୋଇଛି ଉଦ୍ଧାର କାର୍ଯ୍ୟ । ଉଦ୍ଧାର କାର୍ଯ୍ୟରେ ଓଡ୍ରାଫ୍ ଟିମ୍ ସହ ଓଡ଼ିଶା ପୋଲିସ ସାମିଲ୍ ହୋଇଛି । ଘଟଣାସ୍ଥଳରେ କୋରାପୁଟ ପୋଲିସ ଉପସ୍ଥିତ ରହି ଉଦ୍ଧାର କାର୍ଯ୍ୟର ଅନୁଧ୍ୟାନ କରୁଛନ୍ତି । ତାଜା ସୂଚନା ଅନୁସାରେ, ଭଗ୍ନାଂଶ ତଳୁ ଜଣଙ୍କୁ ଉଦ୍ଧାର କରାଯାଇ ଆମ୍ବୁଲାନ୍ସରେ ମେଡିକାଲ୍ ନିଆଯାଇଛି ।

ଭଗ୍ନାଂଶ ତଳୁ ଜଣଙ୍କୁ ଉଦ୍ଧାର କରାଯାଇ ଆମ୍ବୁଲାନ୍ସରେ ମେଡିକାଲ୍ ନିଆଯାଇଥିଲା । ମେଡିକାଲ୍‌ରେ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ମୃତକ ଭୁଶୁଡ଼ି ପଡ଼ିଥିବା ବ୍ରେକେରୀ ଦୋକାନର ମାଲିକ ବୋଲି ସୂଚନା ମିଳୁଛି । ଏବେ ଉଦ୍ଧାର କାର୍ଯ୍ୟ ଜାରି ରହିଛି ।

ଖବର ଅପଡେଟ୍ ଜାରି ରହିଛି...