ଅର୍ଗସ ବ୍ୟୁରୋ:  ମାଘ ସପ୍ତମୀ ପାଇଁ ଜୋରଦାର ପ୍ରସ୍ତୁତି । ଆସନ୍ତାକାଲି କୋଣାର୍କ ଚନ୍ଦ୍ରଭାଗା ତୀର୍ଥ ପୁଷ୍କରିଣୀରେ ବୁଡ଼ ପକାଇବେ ଲକ୍ଷାଧିକ ଭକ୍ତ । ଏହା ପୂର୍ବରୁ ତୀର୍ଥ ପୁଷ୍କରିଣୀ ଖନନ ହୋଇ ପରିସ୍କାର କରିବା ସହିତ ପରିମଳ ବ୍ୟବସ୍ଥା, ଆଲୋକିକରଣ, ପାନୀୟ ଜଳ ଯୋଗାଣ, ବ୍ୟାରିକେଡର ବ୍ୟବସ୍ଥାକୁ ଜୋରଦାର କରାଯାଇଛି । ଉକ୍ତମାନେ ବୁଡ଼ ପକାଇବା ପରେ ନବଗ୍ରହ ମନ୍ଦିର ଓ କୋଣାର୍କ ସୂର୍ଯ୍ୟ ମନ୍ଦିରରେ ପ୍ରବଳ ଗହଳି ଲାଗିବ । ଏଥିପାଇଁ ବ୍ୟାପକ ବ୍ୟବସ୍ଥା କରାଯାଇଛି । ଟ୍ରାଫିକ ବ୍ୟବସ୍ଥା ଓ ଲକ୍ଷାଧିକ ଭକ୍ତ ଶୃଙ୍ଖଳିତ ବୁଡ଼ ପକାଇବା ପାଇଁ ପୋଲିସ ପକ୍ଷରୁ 21 ପ୍ଲାଟୁନ୍ ଫୋର୍ସ, 20 ଜଣ ଡିଏସ୍‌ପି, 70 ଜଣ ଆଇଆଇସିଙ୍କୁ ମୁତୟନ କରାଯିବ । 

ପରମ୍ପରା ଅନୁଯାୟୀ ତ୍ରିବେଣୀଶ୍ବର, ଦକ୍ଷିଣେଶ୍ବର ଓ ଐଶାନେଶ୍ବର 3 ଠାକୁର ୩ ତାରିଖ ରାତ୍ର ୯ଟା ୪୫ ମିନିଟ ଠାରୁ ୧୦ଟା ୧୬ଭିତରେ ବିମାନ ବିଜୟ ହୋଇ ବାଜା ବାଣ ଆଲୋକ ମାଳାରେ ରୋଷୋଣି କରିବେ । NAC କାର୍ଯ୍ୟାଳୟ ପରିସରରେ ଭୋଗ ଖାଇବା ପରେ ରାତ୍ର 2ଟାରେ ତୀର୍ଥ ପୁଷ୍କରିଣୀ ଅଭିମୁଖେ ବାହାରି ମେଳା ପଡ଼ିଆରେ ଭୋର ୪ଟା ଭିତରେ ପହଞ୍ଚିବେ । ଠାକୁରଙ୍କ ମହାସ୍ନାନ ଓ ନୀତିକାନ୍ତି ପରେ ସାଧୁସନ୍ଥଙ୍କ ଦ୍ବାରା ମହା ଆଳତୀ ପରେ ଶ୍ରଦ୍ଧାଳୁମାନେ ୪ଟା ୩୭ରେ ବୁଡ଼ ପକାଇବେ ।

ଅଧିକ ପଢ଼ନ୍ତୁ ଓଡିଶା ଖବର: