ଓସିଏ ସାଧାରଣ ପରିଷଦ ବୈଠକରେ ହୋହାଲ୍ଲା । ଓସିଏର ମନମାନିକୁ ଜୋରଦାର ବିରୋଧ । ଅଧାରୁ ଉଠି ଆସିଲେ ଓସିଏ ସଦସ୍ୟ ଲଳିତେନ୍ଦୁ ବିଦ୍ୟାଧର ମହାପାତ୍ର । ଓସିଏର ନିର୍ବାଚନ ନହେବାକୁ ବିରୋଧ କରି ବୈଠକ ବର୍ଜନ କଲେ । ଆଉ କହିଲେ ନିର୍ବାଚନ ନହେବା ଅସାମ୍ବିଧାନିକ ଓ ଅଗଣତାନ୍ତ୍ରିକ । ନେସନାଲ ସ୍ପୋର୍ଟସ ପଲିସି କୁ ଆଳକରି ନିର୍ବାଚନ ନକରିବାକୁ ବର୍ତ୍ତମାନର ସଭାପତି ଓ ସମ୍ପାଦକ ଚାହୁଁନାହାନ୍ତି । ଆମେ ଚାହୁଁଛୁ ଲୋଧା କମିଟି ସୁପାରିସ କ୍ରମେ ନିର୍ବାଚନ କରାଯାଉ । ଲୋଧା କମିଟି ସୁପାରିସ କ୍ରମେ 17 ଟି ରାଜ୍ୟ ସହ ବିସିସିଆଇ ନିର୍ବାଚନ ସାରିଲାଣି । ଗତ 20 ବର୍ଷ ହେବ ଓଡ଼ିଶା କ୍ରିକେଟ ଅନେକ ତଳକୁ ଖସିଛି । ତା ସହ ଅନେକ ଅନିୟମିତତା ନେଇ ଭିଜିଲାନ୍ସ ତଦନ୍ତ ଜରୁରୀ ବୋଲି କହିଛନ୍ତି ଲଳିତେନ୍ଦୁ ।

ଏଥିସହ ପଢ଼ନ୍ତୁ: ଚାମ୍ପିୟନ ହେଲା ଟିମ୍ ଇଣ୍ଡିଆ, ବାଂଲାଦେଶକୁ କନ୍ଦେଇ କନ୍ଦେଇ ହରେଇଲା ଭାରତ

ଓସିଏରେ ଚାଲିଥିବା କେଳେଙ୍କାରୀକୁ ନେଇ ବିସ୍ଫୋରଣ କରିଛନ୍ତି ଲଳିତେନ୍ଦୁ । ଆଉ କହିଛନ୍ତି 25ରୁ 26 ବର୍ଷ ଧରି ଯେଉଁମାନେ କ୍ଷମତାରେ ଥିଲେ ସେମାନେ ଓସିଏର ଏମିତି ବିପର୍ଯ୍ୟୟ ପାଇଁ ଦାୟୀ। ଓସିଏରେ ଆଜି ଘଟିଥିବା ଏମିତି ପରିସ୍ଥିତି ପାଇଁ ପ୍ରତିକ୍ରିୟା ରଖିଛନ୍ତି ସମ୍ପାଦକ ସଞ୍ଜୟ ବେହେରା । ସେପଟେ ଲଳିତେନ୍ଦୁଙ୍କୁ ସମର୍ଥନ କରିଛନ୍ତି ଅନେକ ସଦସ୍ୟ ଓ କ୍ରୀଡାବିତ୍ । ଧୀରେ ଧୀରେ ଖୋଲିବାରେ ଲାଗିଛି ଓସିଏର କେଳେଙ୍କାରୀ । ଅନ୍ୟ ରାଜ୍ୟ କ୍ରିକେଟ ଆସୋସିଏସନ ନିର୍ବାଚନ କରୁଥିବା ବେଳେ ଓସିଏ ନ କରିବା ପଛରେ ରହିଛି କି ବଡ କାରଣ ।

ଅଧିକ ପଢ଼ନ୍ତୁ ଓଡ଼ିଶା ଖବର: