Land Mafia / ଶିଳ୍ପ ନଗରୀରେ ମାତିଛନ୍ତି ଜମି ଦଲାଲ

ଅନୁଗୁଳ ତୁରଙ୍ଗ ବିକାଶ ନଗରରେ ରହୁଥିବା ମାନସ ରଞ୍ଜନ ପାତ୍ରଙ୍କ ଜେଜେ ବାପାଙ୍କ ସମେତ ସମ୍ପର୍କୀୟଙ୍କ ନା ରେ ଖାତା ନମ୍ବର ୧୨୭ ରେ ଜମି ରହିଛି । ୪୩ ବର୍ଷ ତଳେ ବନମାଳୀ ପାତ୍ରଙ୍କ ମୃତ୍ୟୁ ହୋଇଛି । ସେହିପରି ଅକ୍ଷୟ କୁମାର ପାତ୍ର ୨୦୦୬ ଓ ପୀତବାସ ପାତ୍ରଙ୍କ ୨୦୧୧ ରେ ମୃତ୍ୟୁ ହୋଇଛି । ହେଲେ ମୃତ ଓ ଜୀବିତ ବ୍ୟକ୍ତିଙ୍କ ନାମରେ ଜାଲିଆତି କରି କାଗଜପତ୍ର ପ୍ରସ୍ତୁତ କରାଯାଇ ଜାଗା ବିକ୍ରି କରାଯାଇଥିବା ଅଭିଯୋଗ ହୋଇଛି । ଏହି ଗୁମର ଖୋଲିବା ପରେ ଆରମ୍ଭ ହୋଇଛି ତନାଘନା ।

ସରକାରୀ ବନ୍ଧ ଉପରେବି ଜମି ମାଫିଆଙ୍କ ଲୋଲୁପ ଦୃଷ୍ଟି । ଅଭିଯୋଗ ଅନୁସାରେ ହୁଲୁରସିଂହା ମୌଜାରେ ରହିଛି ହଳଦିଆ କଟା ବନ୍ଧ । ଏହି ବନ୍ଧ ଟି ନିର୍ଦ୍ଦିଷ୍ଟ ଭାବରେ ଲୋକ ଙ୍କ ବ୍ୟବହାର ପାଇଁ ବହୁ ବର୍ଷ ରୁ ନିର୍ମାଣ କରାଯାଇଥିଲା । ହେଲେ ଗତ କିଛି ଦିନ ପୂର୍ବରୁ କିଛି ଜମି ମାଫିଆ ଏହି ବନ୍ଧକୁ କବ୍ଜା କରିବା ପାଇଁ ଦୁଇ ବ୍ୟକ୍ତି ନା ରେ ପଟ୍ଟା ମଧ୍ୟ କରାଇ ନେଇଥିଲେ । ଏ ନେଇ ଅଭିଯୋଗ ହେବା ପରେ ଆରମ୍ଭ ହୋଇଛି ତନାଘନା । ଶିଳ୍ପ ବହୁଳ ଅନୁଗୁଳରେ ଏବେ ଜମି ମୂଲ୍ୟ ଆକାଶ ଛୁଆଁ । ଏଭଳି ସ୍ଥିତିରେ ଏହାର ଫାଇଦା ନେଇ ଲୋକଙ୍କୁ ଚୁନ ଲଗାଇ ସକ୍ରିୟ ଜମି ମାଫିଆ ।

ଏଥିସହ ପଢ଼ନ୍ତୁ: ଜମି କେଳେଙ୍କାରୀ-ଚାକିରି ଦୁର୍ନୀତି ଖାଇଛନ୍ତି କୋଟି କୋଟି ଟଙ୍କା !

ରାଜ୍ୟରେ ଏଭଳି ଘଟଣା ନୁଆ ନୁହେଁ ସତ ବାରମ୍ୱାର ଏଭଳି ଘଟଣା ଘଟୁଥିବାବେଳେ ଏନେଇ ଦୃଢ଼ କାର୍ଯ୍ୟାନୁଷ୍ଠାନ ହେବା ଜରୁରୀ। ଆପଣ ଆଗରୁ ମଧ୍ୟ ଦେଖିଥିବେ ମହାପ୍ରଭୁ ଜଗନ୍ନାଥଙ୍କ ଜମି ଜାଲିଆତି ନେଇ ପୁରୀ ବାସେଳିସାହି ଥାନାରେ ଏତଲା ଦାୟର କରାଯାଇଥଇଲା । ଶ୍ରୀମନ୍ଦିର ପ୍ରଶାସନ ପକ୍ଷରୁ ପୁରୀ ବାସେଳିସାହି ଥାନାରେ ଏତଲା ଦିଆଯାଇଥିଲା । ମାଟିତୋଟା ମୌଜାରେ ମହାପ୍ରଭୁଙ୍କ ଜମି ଜାଲିଆତି ହୋଇଥିବା ଅଭିଯୋଗ ଆସିଥିଲା । ମୋଟ ୧୦୯ଟି ପ୍ଲଟକୁ ବେଆଇନ ଭାବେ ହାତେଇବା ଉଦ୍ୟମ କରାଯାଇଥିବା ଅଭିଯୋଗ ହୋଇଥିଲା । ଠିକ ଏହିପରି ଅନେକ ସ୍ଥାନରେ ଏଭଳି ଘଟଣାମାନ ଦେଖିବାକୁ ମିଳୁଛି।

ଅଧିକ ପଢ଼ନ୍ତୁ ଓଡ଼ିଶା ଖବର: