ହାତୀଙ୍କ ପାଇଁ ବିପଦ ସାଜୁଛି ଲ୍ୟାଣ୍ଡମାଇନ୍ । ସୁନ୍ଦରଗଡ଼ ଜିଲ୍ଲା ସୀମାନ୍ତ ସରଣ୍ଡା ଜଙ୍ଗଲରେ ଲ୍ୟାଣ୍ଡମାଇନ୍ ବିସ୍ଫୋରଣରେ ଗୁରୁତର ମାଈହାତୀର ଚିକିତ୍ସାଧୀନ ଅବସ୍ଥାରେ ମୃତ୍ୟୁ । ତିରିଲପୋଷି ଚେକ୍‌ ଡ୍ୟାମ୍ ନିକଟରେ ହାତୀର ଚିକିତ୍ସା ଚାଲିଥିଲା । ଓଡିଶା ଓ ଝାଡ଼ଖଣ୍ଡର ପ୍ରାଣୀ ଚିକିତ୍ସକ ଦଳ ହାତୀର ଚିକିତ୍ସା ନିୟୋଜିତ ଥିଲେ । ଆଜି ବନବିଭାଗର ଉପସ୍ଥିତିରେ ମୃତ ହାତୀର ବ୍ୟବଚ୍ଛେଦ କରାଯାଇ ପୋତି ଦିଆଯିବ ।

ଦୁଇଟି ହାତୀ ଲ୍ୟାଣ୍ଡମାଇନ୍ ବିସ୍ଫୋରଣରେ ଗୁରୁତର ହୋଇ ପ୍ରାଣ ହରାଇଥିବା ବେଳେ ଆହୁରି ଦୁଇଟି ହାତୀ ଆହତ ଅବସ୍ଥାରେ ଜଙ୍ଗଲରେ ବୁଲୁଥିବା ସୂଚନା ମିଳିଛି । ଏହି ଦୁଇ ହାତୀଙ୍କ ଚିକିତ୍ସା ହୋଇନପାରିଲେ ସେମାନଙ୍କର ମଧ୍ୟ ଜୀବନ ଯିବାର ଆଶଂକା ରହିଛି । ସପ୍ତାହେ ଭିତରେ ଦୁଇଟି ହାତୀର ମୃତ୍ୟୁ ଉଦ୍‌ବେଗର ବିଷୟ । ସରଣ୍ଡା ଜଙ୍ଗଲରେ ନକ୍ସଲଙ୍କ ଦ୍ବାରା ବିଛାଯାଇଥିବା ଲ୍ୟାଣ୍ଡମାଇନ୍‌ରେ ଗୋଟିଏ ପରେ ଗୋଟିଏ ହାତୀଙ୍କ ଜୀବନ ଯାଉଛି ।