ଭୁବନେଶ୍ଵର: ରାଜନୈତିକ ସ୍ଵାର୍ଥକୁ ଚରିତାର୍ଥ କରିବା ଲାଗି ହାଇଡ୍ରାମା ଚଲାଇ ଆସୁଛନ୍ତି ବିରୋଧୀ । ବିଧାନସଭାର ପ୍ରଶ୍ନକାଳ, ଶୂନ୍ୟକାଳ ଏବଂ ଅନ୍ୟାନ୍ୟ ସମୟ ସବୁ ସମ୍ପୂର୍ଣ୍ଣ ବ୍ୟାହତ କରାଇବା ଲାଗି ବିରୋଧୀ କାର୍ଯ୍ୟ କରି ଆସୁଛନ୍ତି । ମାର୍ଚ୍ଚ ୭ରୁ ଏନେଇ ଅଭାବନୀୟ ପରିସ୍ଥିତି ଦେଖିବାକୁ ମିଳିଛି । ଏହା ଗଣତାନ୍ତ୍ରିକ ବ୍ୟବସ୍ଥା, ବିଧାନସଭା ପରମ୍ପରା ଦୃଷ୍ଟିରୁ ଗ୍ରହଣୀୟ ନୁହେଁ ବୋଲି କହିଛନ୍ତି ଆଇନ୍ ମନ୍ତ୍ରୀ ପୃଥ୍ଵୀରାଜ ହିରଚନ୍ଦନ ।

ଶୃଙ୍ଖଳାର ବନ୍ଧ ଭାଙ୍ଗି ଯେତେବେଳେ ଏ ସବୁ ଯେତେବେଳେ ଅସହନୀୟ ହେଲା ସେତେବେଳେ ବାଚସ୍ପତି ଜଣେ କଂଗ୍ରେସ ବିଧାୟକଙ୍କୁ ଅନିଚ୍ଛା ସତ୍ତ୍ଵେ ନିଲମ୍ବିତ କରିଥିଲେ । ଆଶା କରାଯାଉଥିଲା, ଦଣ୍ଡ ବିଧାନ ପରେ ବିରୋଧୀ ଦଳ ମାନେ ଗୃହକୁ ଠିକ୍ ଭାବେ ଚଳାଇ ଭୂମିକା ନିର୍ବାହ କରିବେ । ବିଧାନସଭାକୁ ଚଳିତଥର ଅଧିକ ନବନିର୍ବାଚିତ ବିଧାୟକ ଆସିଛନ୍ତି । ନିଜର ଅଞ୍ଚଳର ସମସ୍ୟା ଗୃହରେ ଉଠାଇ ଚର୍ଚ୍ଚା କରିବା । ରାଜ୍ୟବାସୀଙ୍କ କଥା ଆଲୋଚନା କରିବା ପାଇଁ ସମସ୍ତଙ୍କ ଅପେକ୍ଷା ଅଛି ।

ବିଧାନସଭାକୁ ବିଭିନ୍ନ ଭାବେ ବନ୍ଦ କରି ସମୟ ନଷ୍ଟ କରିବା ଅତ୍ୟନ୍ତ କଦର୍ଯ୍ୟ କଥା । ଦଳମତ ନିର୍ବିଶେଷରେ ସମସ୍ତଙ୍କ ଆଂକାକ୍ଷା ସହ ଗଣତନ୍ତ୍ରକୁ ବିରୋଧୀ ହତ୍ୟା କରୁଛନ୍ତି । ବୁଡ଼ି ଯାଉଥିବା କଂଗ୍ରେସ ତାର ସ୍ଥିତିକୁ ବଞ୍ଚାଇବାକୁ କୁଆଡ଼େ ରାଲି କରିବେ ୨୭ ତାରିଖରେ । ଏଥିପାଇଁ ଦିଲ୍ଲୀରୁ କୁଆଡ଼େ ନିର୍ଦ୍ଦେଶ ଆସିଛି ୨୭ ଯାଏଁ ବିଧାନସଭା ଚଳାଇ ଦିଅ ନାହିଁ । ତାର ଅର୍ଥ ନୁହେଁ ଓଡ଼ିଶାର ବିକାଶକୁ ହତ୍ୟା କରିବା ।

ବିଧାନସଭାରେ ଗୁଣ୍ଡାରାଜ କରିବା, ଗୃହ ଚାଲିଥିବା ବେଳେ ଘଣ୍ଟଘଣ୍ଟା ବଜାଇବା ଅଗଣତାନ୍ତ୍ରିକ । ଆଚରଣ, ଉଚ୍ଚାରଣ ପାଇଁ ଲୋକେ କଂଗ୍ରେସକୁ ପ୍ରତ୍ୟାଖ୍ୟାନ କରିଥିଲେ । ଇତିହାସ ଦେଖିଲେ- କଂଗ୍ରେସ ସମୟରେ ଅନେକ ମହିଳା ଅତ୍ୟାଚାରର ଶିକାର ହୋଇଥିଲେ, ସେମାନଙ୍କୁ ନ୍ୟାୟ ଦେଇ ପାରିନଥିଲ । ମୋହନ ମାଝୀଙ୍କ ସରକାର ମହିଳା ସୁରକ୍ଷା ପାଇଁ ସଚେତନ ଅଛୁ । ଯାହା ଚାହୁଁଛ ବିଧାନସଭାରେ ଆଲୋଚନା କର, ଗଣମାଧ୍ୟମରେ ନୁହେଁ ।

କଂଗ୍ରେସର ଦାବି, ହାଉସ୍ କମିଟି ହେଉ । ଯାହାକୁ ନେଇ ଆଇନ୍ ମନ୍ତ୍ରୀ କହିଛନ୍ତି, ବ୍ୟବସ୍ଥା ହେଉଛି ନିର୍ଦ୍ଦିଷ୍ଟ ବଡ଼ ଧରଣର ଘଟଣା ଘଟିଥିଲେ ହାଉସ୍ କମିଟି ତିଆରି ହୁଏ । କମିଟି ଯାଏ ଘଟଣାସ୍ଥଳକୁ, ଏହା ସମସ୍ତେ ଜାଣନ୍ତି । ଏବେ କଂଗ୍ରେସ ହାଉସ୍ କମିଟି ତିଆରି ଚାହୁଁଛି, କେବଳ ବିଧାନସଭାର ସମୟ ସାରିବାକୁ ଷଡ଼ଯନ୍ତ୍ର ବୋଲି କହିଛନ୍ତି ଆଇନ୍ ମନ୍ତ୍ରୀ ।

କଂଗ୍ରେସ ମୁତଲବି ପ୍ରସ୍ତାବ ଆଣିଥିଲା, ଗୃହରେ ତଥ୍ୟ ଦିଆଗଲା । ଗତବର୍ଷ ଅପେକ୍ଷା ପ୍ରମୁଖ ୮ଟି ଯାକ ଶ୍ରେଣୀରେ ଅପରାଧ ହାର ହ୍ରାସ ପାଇଥିବା ତଥ୍ୟ ଦିଆଗଲା । ଗୋଟିଏ ଥର ବି କଂଗ୍ରେସ କିମ୍ବା ବିଜେଡି ଆଇନ୍ ଶୃଙ୍ଖଳା ଉପରେ ମୁଖ୍ୟମନ୍ତ୍ରୀଙ୍କ ଉତ୍ତର ରଖିବା ଦାବି ବିଧାନସଭାରେ କରି ନାହାନ୍ତି । ଆମେ ଆହ୍ଵାନ କରିଥିଲୁ, ଆପଣ ଦାବି କରନ୍ତୁ, ମୁଖ୍ୟମନ୍ତ୍ରୀ ଉତ୍ତର ରଖିବେ ।

ପୂର୍ବ ସରକାରରେ ୨ଟି ଉତ୍ତର ମିଳୁଥିଲା । ଗୋଟିଏ ତଥ୍ୟ ସଂଗ୍ରହ ଚାଲିଛି । ଆଉ ଗୋଟିଏ ହେଲା ପ୍ରସଙ୍ଗକୁ ଅନ୍ୟତ୍ର ଡାଇଭର୍ଟ କରିବା । ବିଜେପି ସରକାର ପ୍ରତିଟି କଥାକୁ ଆଲୋଚନା କରିବାକୁ ପ୍ରସ୍ତୁତ । ଗୃହ ବିଭାଗ ଶ୍ଵେତପ୍ରତ ପ୍ରକାଶ କରିଛି । ସେଥିରେ ସବୁ ତଥ୍ୟ ଅଛି, ତା ସତ୍ତ୍ଵେ ଉତ୍ତର ଚାହୁଁଥିଲେ ଗୃହରେ ମାଗନ୍ତୁ, ଆମେ ଦେବୁ ।

ଓଡ଼ିଶାର ପ୍ରମୁଖ ବିରୋଧୀ ଦଳ କଂଗ୍ରେସ ସହ ଥିବା କହିଛନ୍ତି ଆଇନ୍ ମନ୍ତ୍ରୀ । ସେମାନଙ୍କ ୨୪ ବର୍ଷ ଶାସନରେ ପରୀ, ପିହୁ, ମମତି ଭଳି ମହିଳା ଅପରାଧୀର ତାଲିକା କଲେ ପି.ଏଚିଡି ଠାରୁ ବଡ଼ ଡିଗ୍ରୀ ମିଳିବ । ଆମ ସରକାର ମହିଳା ବିରୋଧୀ ହିଂସା କମାଇବାକୁ ପଦକ୍ଷେପ ନେଉଛନ୍ତି । ଦଣ୍ଡ ବିଧାନ ହାର ବଢ଼ାଇବା ଲାଗି କାମ କରୁଛୁ । ପୋଲିସ ଭଳି ଗୁରୁତ୍ଵପୂର୍ଣ୍ଣ ବିଭାଗରେ ୧୬ ହଜାର ପଦ ଖାଲି ପଡ଼ିଥିଲା । ବିଜେଡି ଆଇନ୍ ଶୃଙ୍ଖଳା କଥା କହିବା ଲଙ୍କାରେ ହରି ଶବ୍ଦ ଭଳି ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV