ସରକାରଙ୍କୁ ଚୂନ ଲଗାଇବା ପାଇଁ ଜାଲିଆତି... ସରକାରୀ ଅର୍ଥ ଆତ୍ମସାତ ପାଇଁ ଜୀବିତ ଶ୍ରମିକ ମାନଙ୍କୁ କାଗଜପତ୍ରରେ ମୃତ୍ୟୁ ଦର୍ଶାଇ "ମୃତ୍ୟୁ କାଳୀନ ସହାୟତା ରାଶି" ହଡପ । ଜିଲ୍ଲାରେ ଚାଲିଛି ବଡ଼ ଧରଣର ନକଲି ସାର୍ଟିଫିକେଟ ରାକେଟ । ଆଉ ଦଲାଲଙ୍କ ଜାଲରେ ପଡିଛି ଜିଲ୍ଲା ଶ୍ରମ ବିଭାଗ । ଆଉ ଏହାର ଦସ୍ତାବିତ ଲାଗିଛି ଅର୍ଗସ ହାତରେ ।

ସୂଚନାନୁଯାୟୀ ଜୀବିତ ଶ୍ରମିକଙ୍କୁ ମୃତ୍ୟୁ ଦର୍ଶାଇ ଟଙ୍କା ହଡପ କରାଯାଉଛି । ଦସ୍ତାବିଜ ଯାଞ୍ଚ ନକରି "ମୃତ୍ୟୁ କାଳୀନ ସହାୟତା ରାଶି" ଅନୁମୋଦନ କରି ଅଡୁଆରେ ଜିଲ୍ଲା ଶ୍ରମ ବିଭାଗ । ଦଲାଲ ଓ ଅଧିକାରୀଙ୍କ ମଧୁଚନ୍ଦ୍ରିକାରେ ଦୁର୍ନୀତି ହୋଇଥିବାର ଆସିଲା ସଙ୍ଗୀନ ଅଭିଯୋଗ

ଏକ ମୃତ ପ୍ରମାଣପତ୍ର... ମୃତକ ହେଉଛନ୍ତି ନବରଙ୍ଗପୁର ଜିଲ୍ଲା କୋଷଗୁମୁଡା ବ୍ଲକ ରାଜୋଡା ପଂଚାୟତ ଅନ୍ତର୍ଗତ ଠୂସିଗୁଡା ଗ୍ରାମର ପୁର୍ଣି ଭତରା । ସେହି ଦସ୍ତାବିଜ କହୁଛି ତାଙ୍କର ମୃତ୍ୟୁ ୧୦.୦୨.୨୦୨୩ ତାରିଖରେ ହୋଇଛି । ଯାହାର ଡେଥ୍ ସାଟିଫିକେଟ୍ ରେଜିଷ୍ଟ୍ରସନ ନମ୍ବର ହେଉଛି - ୪୬/୨୦୨୩ ସେଠାରେ ସ୍ପଷ୍ଟ ଭାବେ ଉଲ୍ଲେଖ କରାଯାଇଛି ଯେ ପୂର୍ଣ୍ଣି ଭତରା ଆଉ ଦୁନିଆରେ ନାହାନ୍ତି । କିନ୍ତୁ ପୂର୍ଣ୍ଣି ଭତରା । ଯାହାର ମୃତ ପ୍ରମାଣପତ୍ର ହୋଇଥିଲା ।

ଅର୍ଥାତ ଜୀବିତ ବ୍ୟକ୍ତିଙ୍କର ନକଲି ମୃତ ପ୍ରମାଣପତ୍ର ତିଆରି କରାଯାଇଛି l କେବଳ ମୃତ ପ୍ରମାଣପତ୍ର ହିଁ ନୁହଁ, ତାଙ୍କ ସ୍ୱାମୀ ରବି ଭତରାଙ୍କ ନାମରେ ଉତ୍ତରାଧିକାରୀ ପ୍ରମାଣପତ୍ର ମଧ୍ୟ କୋଡୀଙ୍ଗା ତହସିଲ ବିଭାଗ ପକ୍ଷରୁ ମିଳିଛି । ଆଉ କିଏ ଓ କେମିତି ଏହି ପ୍ରମାଣ ପତ୍ର ଦେଲା ଏହାକୁ ନେଇ ଉଠିଛି ବଡ ପ୍ରଶ୍ନ ।

ସେହିଭଳି ଆଉ ଜଣେ ଟୁନୁ ଭତରା ଙ୍କ "ମୃତ ପ୍ରମାଣପତ୍ର" ଦସ୍ତାବିଜ କହୁଛି ଟୁନୁ ମୃତ... କିନ୍ତୁ, ବାସ୍ତବ ଚିତ୍ର ତାହାର ଠିକ ଓଲଟା । ଟୁନୁ ଭତରା ବର୍ତମାନ ସୁସ୍ଥ ଥିବା ବେଳେ ଘରର ସମସ୍ତ କାର୍ଯ୍ୟ ନିଜେ କରୁଛନ୍ତି ତାଙ୍କ ସ୍ତ୍ରୀ ନାମରେ ମଧ୍ୟ ଉତ୍ତରାଧିକାରୀ ସାର୍ଟିଫିକେଟ ତିଆରି କରାଯାଇଛି ।

ଏଭଳି ଜାଲିଆତି କେବଳ କୋଷଗୁମୁଡା ବ୍ଲକରେ ନୁହଁ । ପାପଡାହାଣ୍ଡି ବ୍ଲକ ରେ ମଧ୍ୟ କରାଯାଇଛି । ପାପଡାହାଣ୍ଡି ବ୍ଲକ ଡ଼ଙ୍ଗରା ପଂଚାୟତ ଅନ୍ତର୍ଗତ କୁମ୍ଭାରଗୁଡା ଗ୍ରାମର ପୁରୁଷତି ମାଝୀଙ୍କ କ୍ଷେତ୍ରରେ ମଧ୍ୟ ସମାନ ଘଟଣା ଘଟିଛି । ଦଲାଲ ମାନେ ଶ୍ରମିକମାନଙ୍କୁ ଏକ ଲକ୍ଷ ଟଙ୍କାର ମାଗଣା ଋଣ କରାଇଦେବା ଆଶା ଦେଖାଇ ସେମାନଙ୍କ ଠାରୁ ଆଧାର କାର୍ଡ, ବ୍ୟାଙ୍କ ପାସବୁକ , ଲେବରକାର୍ଡ, ଫୋଟ ଆଦି ସଂଗ୍ରହ କରି ଅସାଧୁ ଉପାୟରେ ନକଲି "ମୃତ ପ୍ରମାଣପତ୍ର" ଓ ନକଲି "ଉତ୍ତୋରାଧିକାରୀ ପ୍ରମାଣ ପତ୍ର" ତିଆରି କରି ମୃତ୍ୟୁକାଳୀନ ସହାୟତା ରାଶି ପାଇଁ ଜିଲ୍ଲା ଶ୍ରମ ବିଭାଗ କୁ ଆବେଦନ କରିଥିବା ଜଣାପଡିଛି ।

ଏଠାରେ ପ୍ରଶ୍ନ ଉଠୁଛି ଯେ ଦଲାଲଙ୍କ ସହ ମିଶି ଏଭଳି ଆତ୍ମସାତ କରିବାରେ ଲିପ୍ତ ନାହାନ୍ତି ତ ଅଧିକାରୀ..? କାହିଁକି ବିନା ଯାଞ୍ଚ ରେ ଏତେ ଗୁଡ଼ାଏ ସରକାରୀ ଟଙ୍କା ମଞ୍ଜୁର କରିଦେଲେ ବିଭାଗୀୟ ଅଧିକାରୀ ? ତାହା ଏବେ ସନ୍ଦେହଘେରରେ । ଆଉ ଏହାର ତଦନ୍ତ କରି କାର୍ଯ୍ୟାନୁଷ୍ଠାନ ନେବାକୁ ସାଧାରଣରେ ଦାବି ହୋଇଛି ।