ସ୍କୁଲରେ ଝୁଲୁଛି ତାଲା, ବାହାରେ ପିଲା

କୁନି କୁନି ପିଲାଙ୍କ ଆଖିରେ ଅସୁମାରି ସ୍ଵପ୍ନ । ବିଦ୍ୟାଳୟ ଖୋଲିବ ଏବଂ ସେ ପାଠ ପଢିବେ । ହେଲେ ବନ୍ଦ ପଡିଥିବା ବିଦ୍ୟାଳୟ ପାଇଁ ମଣିଷ ହେବାର ସ୍ଵପ୍ନ ଭାଙ୍ଗି ଯାଇଛି । ଇଏ ହେଉଛି ନୂଆପଡ଼ା ଜିଲ୍ଲାର ଆଦିବାସୀ ବହୁଳ ସେଠ୍ ଜାମପାଣି ଗାରେ ଥିବା ପ୍ରାଥମିକ ସ୍କୁଲ୍‌ର ଦୃଶ୍ୟ । ଗାଁରେ ପଚାଶ ଛାତ୍ରଛାତ୍ରୀ ଥିବା ବେଳେ ସ୍କୁଲ ବନ୍ଦ ଯୋଗୁଁ ପାଠପଢାରୁ ବଞ୍ଚିତ ହେଉଛନ୍ତି ପିଲା ।

ନୂଆପଡ଼ା ଜିଲ୍ଲାର 166ଟି ପ୍ରାଥମିକ ବିଦ୍ୟାଳୟ ବନ୍ଦ ଥିବାବେଳେ ନୂଆପଡ଼ା ବ୍ଲକରେ 48, କୋମନା ବ୍ଲକରେ 57, ଖଡ଼ିଆଳ ବ୍ଲକରେ 22 , ବୋଡ଼େନ ବ୍ଲକରେ 10 ଓ ସିନାପାଲି ବ୍ଲକରେ 22 ଗୋଟି ସ୍କୁଲ୍ ବନ୍ଦ ହୋଇ ପଡିଛି । ଦିନେ ଛାତ୍ରଛାତ୍ରୀଙ୍କ କୋଳାହଳରେ ଫାଟି ପଡୁଥିବା ବିଦ୍ୟାଳୟ ଏବେ ଭୂତ କୋଠି ପାଲଟିଛି । ବର୍ଷ ବର୍ଷ ଧରି ମଣିଷ ତିଆରି କାରଖାନା ବନ୍ଦ ପଡିବା ଯୋଗୁଁ ପିଲା ମାନେ ପ୍ରାଥମିକ ଶିକ୍ଷାରୁ ବଞ୍ଚିତ ହେଉଛନ୍ତି । ଅନେକ ଥର ଗୁହାରି କଲେ ମଧ୍ୟ କେହି ଶୁଣୁନଥିବା କହିଛନ୍ତି ସ୍ଥାନୀୟ ସରପଞ୍ଚ ଓ ନୂଆପଡା ବ୍ଲକ ଉପାଧ୍ୟକ୍ଷ ।

ସେପଟେ ଏ ସମ୍ପର୍କରେ ପଚାରିବାରୁ ରାଜ୍ୟ ସରକାରଙ୍କ ନିକଟକୁ ପ୍ରସ୍ତାବ ଯାଇଛି କହିଛନ୍ତି ନୂଆପଡ଼ା ଜିଲ୍ଲାପାଳ ମଧୁସୂଦନ ଦାସ । ଆଦିବାସୀ ଅଧିୁଷିତ ନୂଆପଡ଼ା ଜିଲ୍ଲାରେ ବନ୍ଦ ପଡିଛି ୧୦୦ରୁ ଅଧିକ ସ୍କୁଲ । ଫଳରେ ବହୁ ଛାତ୍ରଛାତ୍ରୀଙ୍କ ପାଠପଢାରେ ଡୋର ବନ୍ଧା ହୋଇ ପଡିଛି।