କଟକ:  ଗାଁରେ ଯାତ୍ରା ଦେଖିବାକୁ ଯାଇଥିବାବେଳେ ଘରେ କଳାକନା ବୁଲାଇଲେ ଚୋର ଗ୍ୟାଙ୍ଗ । ୫ ଜଣଙ୍କ ଘରୁ ଲକ୍ଷାଧିକ ଟଙ୍କାର ସୁନା ଗହଣା ନେଲେ ଲୁଟି । ବାଙ୍କୀ ବ୍ଲକ୍ ବୈଦେଶ୍ୱର ଥାନା ପୁଇଁଚା ଗାଁରେ ଘଟିଛି ଏଭଳି ସିରିଜ୍ ଚୋରି ଘଟଣା । ଗାଁ ମନ୍ଦିର ପଡିଆରେ ଜାଗର ଯାତ୍ରା ସହ ଗାଁର ଯୁବକ ମାନଙ୍କ ଦ୍ଵାରା ନାଟକ ପରିବେଷଣ ହେଉଥିଲା । ସମସ୍ତେ ଘରେ ତାଲା ପକାଇ ଯାତ୍ରା ଦେଖୁଥିବାବେଳେ ଗାଁରେ ପଶିଥିଲେ ଚୋର ଗ୍ୟାଙ୍ଗ । ରାତି ପ୍ରାୟ ସାଢେ ୧୨ଟାରୁ ସାଢ଼େ ଗୋଟେ ମଧ୍ୟରେ ଚୋର ଗ୍ୟାଙ୍ଗ ପଶି ଗୋଟିଏ ପରେ ଗୋଟିଏ ଘରେ ବୁଲାଇଛନ୍ତି କଳାକନା । ବୈଦେଶ୍ୱର ପୋଲିସ୍ ପହଞ୍ଚି ଘଟଣାର ତଦନ୍ତ ଚଳାଇଛନ୍ତି ।