ଭୂତ କାମ କରି କୋଟି କୋଟି ଟଙ୍କା ହେଉଥିଲା ବାଟମାରଣା
ନବୀନଙ୍କୁ ମୋହନ ଙ୍କ ଟାର୍ଗେଟ । ଲକ୍ଷେ କୋଟି କୁଆଡ଼େ ଗଲା ବୋଲି ସିଧାସଳଖ କଲେ ପ୍ରଶ୍ନ । ନବୀନଙ୍କ ଜଳ ସେଚନ ସ୍ୱପ୍ନ କାହିଁକି ପୂରଣ ହୋଇ ପାରିଲାନି ତାହାର ଖୋଲି ଦେଲେ ଗୁମର । କହିଲେ ପୂର୍ବ ସରକାର ସମୟରେ ଜଳ ସେଚନ ବିଭାଗ ଦୁର୍ନୀତିର ଗନ୍ତା ଘର ପାଲଟି ଥିଲା । ବିନା ପ୍ଲାନିଂ ରେ ଯୋଜନା କରୁଥିଲେ । କାମ ହେଲା କେତେ ନ ହେଲା କେତେ ତଥାପି ବିଲ ହେଉଥିଲା । ଜଳ ସେଚନ ପାଇଁ ଲକ୍ଷେ ଦୁଇ ହଜାର କୋଟି ଟଙ୍କା ଖର୍ଚ୍ଚ କରାଯାଇଛି । କିନ୍ତୁ କାହିଁକି ଗ୍ରାଉଣ୍ଡ ରେ ଜଳ ସେଚନ ପହଁଚି ପାରିଲାନି । ସେଥିପାଇଁ ଦାୟୀ କିଏ ବୋଲି ପ୍ରଶ୍ନ କରିଛନ୍ତି ମୁଖ୍ୟମନ୍ତ୍ରୀ । ଆହୁରି କହିଛନ୍ତି ଲକ୍ଷେ କୋଟି ଟଙ୍କା ଗଲା କୁଆଡ଼େ । ୫୦ ପ୍ରତିଶତ ଜଳ ସେଚନ ହୋଇ ପାରିଥାନ୍ତା କିନ୍ତୁ ୩୪ ପ୍ରତିଶତ ରେ କାହିଁକି ରହିଗଲା । ନିମ୍ନ ମାନର କାମ, ପରିଚାଳନା ଠିକ ହେଲା ନାହିଁ ଯେଉଁଥି ପାଇଁ ଜଳ ସେଚନ ଯେତିକି ହେବା କଥା ସେତିକି ହୋଇ ପାରିଲା ନାହିଁ । ଯାହାକୁ ଦୃଷ୍ଟିରେ ରଖି ନୂତନ ରାଜ୍ୟ ଜଳ ନୀତି ଆଣିବେ ସରକାର ।
ମୁଖ୍ୟମନ୍ତ୍ରୀ ଗୃହରେ ପ୍ରତିଶ୍ରୁତି ଦେଇ କହିଛନ୍ତି ମହାନଦୀ କୁ ଖଣି ଓ କମ୍ପାନୀ ଙ୍କ ଗୋଲାମୀ କରିବାକୁ କି କେଉଁ ଅଣ ଓଡିଆଙ୍କ ତୁଷ୍ଟି କରଣ କରିବାକୁ ଦିଆଯିବନି । ମହାନଦୀ କୁ ମାଆ ନଦୀ ଭାବେ ପରିଣତ କରିବାକୁ ଆମେ ଦୃଢ଼ ରୁ ଦୃଢ଼ ପ୍ରତିଶ୍ରୁତି ବଦ୍ଧ । ଆପୋଷ ଆଲୋଚନା ମାଧ୍ୟମରେ ମହାନଦୀ ସମସ୍ୟାର ର ସମାଧାନ ପାଇଁ ଆମ ସରକାର ଆଗେଇ ଆସିଛନ୍ତି । ଏହା ଭିତରେ ରାଜସ୍ଥାନରେ କେନ୍ଦ୍ର ଜଳ ସମ୍ପଦ ମନ୍ତ୍ରୀ, ସଚିବ ଓ ଛତିଶଗଡ଼ ର ଜଳ ସମ୍ପଦ ମନ୍ତ୍ରୀଙ୍କ ସହ ଦ ଦୁଇ ତିନିଟି ପର୍ଯ୍ୟାୟ ରେ ଆଲୋଚନା ହୋଇଛି । ମହାନଦୀ ପାଇଁ ଉଚିତ ପଦକ୍ଷେପ ନେବେ ରାଜ୍ୟ ସରକାର । କିନ୍ତୁ ସରକାରଙ୍କ ଆଭିମୁଖ୍ୟ ଉପରେ ବିଜେଡି ପ୍ରଶ୍ନ ଉଠାଇଥିବା ବେଳେ ଜବାବ ରଖିଛି ବିଜେପି ।
୨୦୦୬ ରେ ୩୫ ପ୍ରତିଶତ ଜଳ ସେଚନ ପ୍ରତି ବ୍ଲକ ରେ କରିବାକୁ ବିଧାନସଭା କହିଥିଲେ ତତ୍କାଳୀନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ୨୦୦୮ ରେ ତତ୍କାଳୀନ ମୁଖ୍ୟମନ୍ତ୍ରୀ କହିଥିଲେ ବ୍ଲକ ନୁହେଁ ଆମେ ପ୍ରତି ଗାଁ କୁ ୩୫ ପ୍ରତିଶତ ଜଳ ସେଚନ କରିବୁ । କିନ୍ତୁ ୨୪ ବର୍ଷ ପରେ ଆଜି ସ୍ଥିତି ହେଉଛି ୩୪ ପ୍ରତିଶତ ରେ ସୀମିତ ଜଳ ସେଚନର ବାସ୍ତବତା
