କମିଛି ବୈତରଣୀର ଜଳସ୍ତର। ଟଳିଛି ବଡ଼ ବିପଦ। ଲଘୁଚାପ ଜନିତ ବର୍ଷା ପ୍ରଭାବ ରୁ ଗତକାଲି ଦିନ ତମାମ ବୈତରଣୀ ନଦୀର ଜଳସ୍ତର ବଢିବାକୁ ଲାଗିଥିବା ବେଳେ ଗତକାଲି ରାତି ୧୨ରୁ ଏହା କମିବାକୁ ଲାଗିଛି । ଗତକାଲି ବିପଦ ସଂକେତ ଉପରେ ବହୁଥିବା ବୈତରଣୀ ନଦୀ ଏବେ ସତର୍କ ସୂଚନା ତଳକୁ ଖସିଛି । ଆନନ୍ଦପୁରଠାରେ ନଦୀର ସତର୍କ ସୂଚନା ୩୭.୪୮୦ ଥିବା ବେଳେ ବର୍ତ୍ତମାନ ଜଳସ୍ତର ୩୭.୦୪ ଅଛି । 

ତେବେ ଆସନ୍ନ ବନ୍ୟା ପରିସ୍ଥିତି ର ବିପଦ ଟଳି ଥିବା ବେଳେ ତଳି ଅଞ୍ଚଳର ଚାଷ ଜମି ବନ୍ୟା ପାଣିରେ ନଷ୍ଟ ହୋଇଥିବା ଅନୁମାନ କରାଯାଉଛି । ଲଗାଣ ବର୍ଷା ପ୍ରଭାବରେ ଗତ କିଛି ଦିନ ହେବ ରାଜ୍ୟର ବିଭିନ୍ନ ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା ହେଉଛି। ଯାହା ଫଳରେ ବୈତରଣୀରେ ଜଳସ୍ତର ବୃଦ୍ଧି ହୋଇଥିଲା। ବର୍ତ୍ତମାନ ଏଥିରେ ଜଳସ୍ତର କମିଛି।