ଭୁବନେଶ୍ଵର: ମା ଯୋଗମାୟାଙ୍କ ବିଦାୟ ପରେ ଧରାବତରଣ କରିଛନ୍ତି ଧନଦାତ୍ରୀ ମା ମହାଲକ୍ଷ୍ମୀ । ଏଥିପାଇଁ ସହର ଠାରୁ ଗାଁ ସବୁଠି ଲାଗିଛି ପୂଜା ମାହୋଲ । ସେହିପରି ଅନୁଗୋଳରେ ମଧ୍ୟ ଆରମ୍ଭ ହୋଇଛି ପ୍ରସିଦ୍ଧ ଗଜଲକ୍ଷ୍ମୀ ପୂଜା ମହୋତ୍ସବ । ଏଥର ସହର ସମେତ ଜିଲ୍ଲାର ସମସ୍ତ ଗ୍ରାମାଞ୍ଚଳରେ ମା'ଙ୍କର ପୂଜା ବେଶ ଧୁମଧାମରେ ଆରମ୍ଭ ହୋଇଛି । କେବଳ ସହର ମଧ୍ୟରେ ୩୬ ଟି ମଣ୍ଡପରେ ମା' ଧନଦାତ୍ରୀଙ୍କୁ ଆବାହନ କରାଯାଇଛି । ଆଉ ଏଥିପାଇଁ ସାରା ସହରଟା ସଜେଇ ହୋଇଛି ।

କୁମାର ପୁର୍ଣ୍ଣିମା ଦିନଠାରୁ ମା'ଙ୍କୁ ଆବାହନ ବିଧି ରହିଥିବା ବେଳେ ସମସ୍ତ ମଣ୍ଡପରେ ମା'ଙ୍କର ବିଧି ପୂର୍ବକ ପୂଜା ହୋଇଛି । ସୋମବାର ବିଳମ୍ବିତ ରାତିରେ କଳସ ଯାତ୍ରା କରି ମଣ୍ଡପ କର୍ମକର୍ତ୍ତାମାନେ ଗଙ୍ଗା ଆବାହନ କରିବା ସହ ମାଆଙ୍କ ଆବାହନୀ ପୂଜା କରିଥିଲେ । ମା'ଙ୍କର ପ୍ରାଣ ପ୍ରତିଷ୍ଠା କରାଯାଇ ଚକ୍ଷୁ ଦାନ ପରେ ଷୋଡସହ ଉପଚାରରେ ପୂଜା ଆରମ୍ଭ ହୋଇଛି ।

ଏଥିପାଇଁ ଅନୁଗୁଳ ସହର ବିଭିନ୍ନ ପ୍ରକାର ଆଲୋକମାଳାରେ ସଜ୍ଜିତ ହୋଇଥିବା ବେଳେ ଉତ୍ସବ ମୁଖରିତ ହୋଇ ଉଠିଛି ସାରା ଅନୁଗୋଳ ସହର । ଏଥର ପୂଜାରେ କିଏ ମୂର୍ତ୍ତୀ ନିର୍ମାଣଙ୍କୁ ଅଧିକ ଗୁରୁତ୍ଵ ଦେଇଛି ତ ଆଉ କିଏ ତୋରଣ ନିର୍ମାଣ ଉପରେ ଦେଇଛନ୍ତି ଗୁରୁତ୍ଵ । ରାଜ୍ୟ ତଥା ରାଜ୍ୟ ବାହାରର ଶିଳ୍ପୀ ଓ କାରିଗର ଏଥର ଅନୁଗୋଳରେ ମୂର୍ତ୍ତୀ ନିର୍ମାଣ କରିଛନ୍ତି ।

ଅଧିକ ପଢନ୍ତୁ: ଶ୍ରୀମନ୍ଦିରରେ ମହାପ୍ରଭୁଙ୍କ ସ୍ୱତନ୍ତ୍ର ନୀତିକାନ୍ତି, ସଂକଳ୍ପ କରି ବ୍ରତ ଆରମ୍ଭ କଲେ ହବିଷ୍ୟାଳି

ସହରରେ ପୂଜା ଭିଡକୁ ନଜରରେ ରଖି ପୋଲିସ ପକ୍ଷରୁ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ଏଥିପାଇଁ ସୋମବାର ସନ୍ଧ୍ୟାରେ ଅନୁଗୋଳ ସହରରେ ପୋଲିସ ପକ୍ଷରୁ କମାଣ୍ଡୋ ବାହିନୀ ଏବଂ ଶକ୍ତି ବାହିନୀ ଆରମ୍ଭ କରାଯାଇଛି । ପୂଜାପାଇଁ ସହରରେ ୱାନ ୱେ ଟ୍ରାଫିକ ବ୍ୟବସ୍ଥା ସହ ତିନିଜଣ ଅତିରିକ୍ତ ଏସପିଙ୍କୁ ସୁରକ୍ଷା ଦାୟୀତ୍ଵ ଦିଆଯାଇଛି ।

Argus News | argus news | Odisha Latest News, Breaking News, Trending News, Live TV