ଜଗନ୍ନାଥ ବଲ୍ଲଭ ମଠ କାର୍ଯ୍ୟର ଅଗ୍ରଗତିର ସମୀକ୍ଷା କଲେ ମହାରାଜା ଦିବ୍ୟସିଂହ ଦେବ
ପୁରୀ: ଆସନ୍ତାକାଲି ଶ୍ରୀମନ୍ଦିର ପରିଚାଳନା କମିଟି ବୈଠକରେ ଉଠିବ ତ ରତ୍ନଭଣ୍ଡାର ପ୍ରସଙ୍ଗ ? ନା ସବୁଥର ଭଳି ବିନା ରତ୍ନଭଣ୍ଡାର ପ୍ରସଙ୍ଗରେ ବୈଠକ ସାରିଦେବ ପ୍ରସାଶନ ? କାରଣ ରତ୍ନଭଣ୍ଡାର ଖୋଲିବା ନେଇ ସମୟ ଗଡାଇ ଚାଲିଛନ୍ତି ସରକାର। ହାଇଲେଭଲ୍ କମିଟି ଗଠନ ନେଇ କୋର୍ଟଙ୍କ ନିର୍ଦ୍ଦେଶ ସତ୍ତ୍ବେ ରାଜ୍ୟ ସରକାରଙ୍କୁ ଚିଠି ଲେଖୁନି ଶ୍ରୀମନ୍ଦିର ପ୍ରଶାସନ । ତେବେ ପରିଚାଳନା କମିଟି ବୈଠକ ପୂର୍ବରୁ ଶ୍ରୀଜଗନ୍ନାଥ ବଲ୍ଲଭ ମଠର କାର୍ଯ୍ୟର ଅଗ୍ରଗତିର ସମୀକ୍ଷା କରିଛନ୍ତି ଗଜପତି ମହାରାଜା ଦିବ୍ୟସିଂହ ଦେବ ।
ଅଧିକ ପଢନ୍ତୁ: ରତ୍ନଭଣ୍ଡାର ପ୍ରସଙ୍ଗରେ ପୁରୀ ଗଜପତି ଦିବ୍ୟସିଂହ ଦେବ ରଖିଲେ ବିବୃତି
ଏହାସହ ପରିକ୍ରମା ପ୍ରକଳ୍ପ କାର୍ଯ୍ୟର ମଧ୍ୟ ସମୀକ୍ଷା କରୁଛନ୍ତି । ସକାଳେ ପ୍ରଥମେ ଜଗନ୍ନାଥ ବଲ୍ଲଭରେ ହେଉଥିବା ମଲ୍ଟି ଲେଭଲ ପାର୍କିଂ, ତୀର୍ଥଯାତ୍ରୀ କେନ୍ଦ୍ର ନିର୍ମାଣ, 3700 ବର୍ଗଫୁଟର ଧ୍ୟାନ ଯୋଗ କେନ୍ଦ୍ର, 184ଟି ଦୋକାନ, 1420 କାର ପାର୍କିଂ, 200 ଦୁଇ ଚକିଆ ଯାନ କାର୍ଯ୍ୟର କରିଛନ୍ତି ସମୀକ୍ଷା ।
📱 Get Argus News App
✨ପ୍ରକଳ୍ପ ପ୍ରତିଷ୍ଠା , ପୂଜା ଓ ଲୋକାର୍ପଣ ନେଇ ବୈଠକରେ ଆଲୋଚନା ଥିବାରୁ ତା ପୂର୍ବରୁ କାର୍ଯ୍ୟର ସମୀକ୍ଷା କରିଛନ୍ତି ଗଜପତି । ଡିସେମ୍ବର 15 ତାରିଖ ମଧ୍ୟରେ ପରିକ୍ରମା ପ୍ରକଳ୍ପ କାର୍ଯ୍ୟ ଶେଷ କରିବାକୁ ଲକ୍ଷ୍ୟ ରଖାଯାଇଛି । ଖୁବଶୀଘ୍ର ପରିକ୍ରମା ପ୍ରକଳ୍ପ କାର୍ଯ୍ୟର ହେବ ଲୋକାର୍ପଣ ।