ନୂଆପଡା: ନନ୍ଦନକାନନ ଯିବ ରକ୍ତମୁଖା ମଣିଷ ଖିଆ କଲରାପତରିଆ ବାଘ । ଗତକାଲି ବିଳମ୍ବିତ ରାତିରେ ବନବିଭାଗ ଦ୍ଵାରା କାବୁ ହୋଇଥିବା ବାଘ ନନ୍ଦନକାନନ ଯିବ ବୋଲି ସୂଚନା ଦେଇଛନ୍ତି ପ୍ରାଣୀ ସମ୍ପଦ ଉପନିର୍ଦେଶକ ଏବଂ ଖଡ଼ିଆଳ ବନଖଣ୍ଡ ଅଧିକାରୀ ସୁଶିଲ ତ୍ରିପାଠୀ ।

ପୁଣି ଘର ସମ୍ମୁଖରୁ ଆଠ ବର୍ଷର ଶିଶୁକୁ ଉଠାଇ ନେଲା ବାଘ

ବର୍ତ୍ତମାନ ବାଘର ସ୍ବାସ୍ଥ୍ୟବସ୍ଥା ଠିକ୍ ଥିବାବେଳେ ବାଘକୁ ଖାଇବାକୁ ଦିଆଯାଇଛି । ଏବଂ ବାଘଟି ନନ୍ଦନକାନନକୁ ସ୍ଥାନାନ୍ତର କରାଯିବ ବୋଲି ସୂଚନା ଦେଇଛନ୍ତି । ପାଞ୍ଚ ଦିନ ହେବ ନୂଆପଡ଼ା ଜିଲ୍ଲାରେ ଆତଙ୍କ ସୃଷ୍ଟି କରିଥିଲା କଲରାପତରିଆ ବାଘ । ଗୋଧସପଡ଼ାର ଗୋଟିଏ ନାବାଳକକୁ ଘର ଅଗଣାରୁ ଟେକି ନେଇ ଶିକାର କରିଥିଲା । ପରେ ଜଣେ ଧରମବନ୍ଧା ପଞ୍ଚାୟତ କୋଦୋପାଳି ଗାଁର ମହିଳାକୁ ଶିକାର କରିଥିଲା । ସେହିପରି କିଛି ଘଣ୍ଟା ପରେ ଆଠ ବର୍ଷର ପୁଅକୁ ମଧ୍ୟ ଟେକି ନେଇଥିଲା ବାଘ ।

୫ଦିନ ପରେ ବାଘକୁ କାବୁ କରିଛି ବନବିଭାଗ

ଗତକାଲି ବିଳମ୍ବିତ ରାତିରେ ବନବିଭାଗର ଏକ ଟିମ୍ ଗାଁ କୁ ଯାଇ ବାଘଟିକୁ କାବୁ କରିଥିଲେ । ବର୍ତ୍ତମାନ ବାଘ ସୁସ୍ଥ ଥିବାବେଳେ ନନ୍ଦନକାନନକୁ ନିଆଯିବ ବୋଲି ସୂଚନା ଦେଇଛନ୍ତି ପ୍ରାଣୀ ସମ୍ପଦ ବିଭାଗ ଉପନିର୍ଦ୍ଦେଶକ ପାର୍ଥସାରଥୀ ଦୋରା ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV