ଶେଷ ନିଶ୍ବାସ ନେଉଛି ମାଓ ବାଦ । ଦୁର୍ବଳ ହେଉଛି ଲାଲ୍‌ ବାହିନୀ, ଭୁଶୁଡ଼ୁଛି ମାଓ ଦୁର୍ଗ । ଆର୍ ପାର୍ ଲଢେଇରେ ମାଓବାଦର ଭାଙ୍ଗିଗଲାଣି ଅଣ୍ଟା । ତେଲେଙ୍ଗାନା ପୋଲିସ ନିକଟରେ ଆତ୍ମସମର୍ପଣ କଲେ ୧୯ ମାଓବାଦୀ । ଭଦ୍ରାଦ୍ରୀ କୋତ୍ତାଗୂଡେମ ଜିଲ୍ଲା ଏସପି ଓ ସିଆରପିଏଫ କମାଣ୍ଡେଣ୍ଟଙ୍କ ପାଖରେ 19 ଜଣ ମାଓବାଦୀ ଆତ୍ମସମର୍ପଣ କରିଛନ୍ତି । ଏମାନଙ୍କ ମଧ୍ୟରେ 4 ଜଣ ସକ୍ରିୟ DVCM ମେମ୍ବର ରହିଛନ୍ତି ।

ଯାହାଙ୍କ ମୁଣ୍ଡ ଉପରେ ଚାରି ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା କରିଥିଲେ ତେଲେଙ୍ଗାନା ସରକାର । ଏହା ସହ 6 ଜଣ ଏସିଏମ ମେମ୍ବର ରହିଛନ୍ତି ଯେଉଁମାନଙ୍କ ମୁଣ୍ଡ ଉପରେ ଏକ ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା ହୋଇଥିଲା । ତେଲେଙ୍ଗାନା ପୋଲିସ ନିକଟରେ ଆତ୍ମସମର୍ପଣ କରିଥିବା ସମସ୍ତ 19 ଜଣ ମାଓବାଦୀ ହେଉଛନ୍ତି ଛତିଶଗଡ ବିଜାପୁର, ଦନ୍ତେୱାଡା ଓ ସୁକୁମା ଜିଲ୍ଲାର ।ଏପଟେ ଗୃହମନ୍ତ୍ରୀ ଅମିତ୍‌ ଶାହା କହିସାରିଛନ୍ତି ଶେଷ ନିଶ୍ବାସ ନେଉଛି ମାଓବାଦ । 2026 ମାର୍ଚ୍ଚ ସୁଦ୍ଧା ଦେଶରୁ ସମୂଳେ ବିନାଶ ହେବ ନକ୍ସଲ ।