ରାଜ୍ୟରେ ମେରାଇନ ଡ୍ରାଇଭ୍ ଗୁଡ଼ିକର ବିକାଶ ପାଇଁ ବଡ଼ ଯୋଜନା । କଂଶୋଲ୍ଟିଂ କମ୍ପାନୀ ଦ୍ଵାରା ଚାଲିଛି ସର୍ଭେ । ଡିସେମ୍ବର ସୁଦ୍ଧା ଆସିବ ସର୍ଭେ ରିପୋର୍ଟ । ସୂଚନା ଦେଲେ ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ । ପ୍ରଥମ ପର୍ଯ୍ୟାୟରେ ସୋନାପୁର- ଗୋପାଳପୁର ମେରାଇନ୍ ଡ୍ରାଇଭ୍ ବିକାଶ କରିବାକୁ ଲକ୍ଷ୍ୟ ରଖାଯାଇଛି । ଏହି ରୋଡ ଆନ୍ଧ୍ର ପ୍ରଦେଶ ବର୍ଡରରୁ ଗୋପାଳପୁର ପର୍ଯ୍ୟନ୍ତ ସଂଯୋଗ କରିବାକୁ ଯୋଜନା ରହିଛି । ଏହା ୯୦ କିଲୋମିଟରର ମେରାଇନ ଡ୍ରାଇଭ୍ ହେବ ।

ସେହପରି ଖୁବ୍‌ଶୀଘ୍ର ରାଜ୍ୟରେ ବିକଶିତ ହେବ ଶକ୍ତିପୀଠ ସର୍କିଟ, ଶ୍ରୀଜଗନ୍ନାଥ ଲୀଳା ସର୍କିଟ ଏବଂ ବୁଦ୍ଧିଷ୍ଟ ସର୍କିଟ । ଏହାସହ ଚଳିତ ବର୍ଷରୁ, ବର୍ଷିକିଆ ନୁହେଁ ବରଂ ତିନି ବର୍ଷିଆ ହେବ ଅବକାରୀ ନୀତି ଅବଧି । ଯେକୌଣସି ହୋଟେଲରେ ୨୦ରୁ ଅଧିକ ରୁମ୍ ଥିଲେ ନିଜ ହୋଟେଲ ପରିସରରେ ଓପନ ବାର୍ ଖୋଲିବାକୁ ମିଳିବ ଅନୁମତି ।