ଅର୍ଗସ ବ୍ୟୁରୋ: ଉପ-ମୁଖ୍ୟମନ୍ତ୍ରୀ ପ୍ରଭାତି ପରିଡା ବଣ୍ଡା ଘାଟିରେ ପହଂଚିବାପରେ ପାରମ୍ପରିକ ନାଚ ଗୀତରେ ତାଙ୍କୁ ସ୍ବାଗତ କରିଥିଲେ ବଣ୍ଡା ଜନଜାତିର ମହିଳା ଓ ପୁରୁଷମାନେ । ଏହି ଅବସରରେ ଆୟୋଜିତ ସଭାରେ ସମ୍ବୋଧନ କରି ଉପ ମୁଖ୍ୟମନ୍ତ୍ରୀ ପ୍ରତିଶ୍ରୁତି ଦେଇଛନ୍ତି , ବଣ୍ଡା ଘାଟିରେ ଘରେ ଘରେ ପହଂଚିବ ସୁଭଦ୍ରା ଟଙ୍କା । ଡିସେମ୍ବର 30 ତାରିଖ ସୁଦ୍ଧା ରିଭ୍ୟୁ ଶେଷ ହେଲା ପରେ ଚତୁର୍ଥ ପର୍ଯ୍ୟାୟରେ ସୁଭଦ୍ରା ଟଙ୍କା ପହଂଚିବ । ଏ ପର୍ଯ୍ୟନ୍ତ 9ହଜାର 300 ବଣ୍ଡା ଘାଟିର ମହିଳା ସୁଭଦ୍ରା ଟଙ୍କା ପାଇଥିବା ବେଳେ 2ହଜାର 932 ଜଣ ମହିଳା ସୁଭଦ୍ରା ଟଙ୍କା ପାଇବାରୁ ବଞ୍ଚିତ ଅଛନ୍ତି । ପଞ୍ଜିକରଣରେ ଥିବା ସମସ୍ୟାର ସମାଧାନ କରି ଖୁବଶଘ୍ର ସୁଭଦ୍ରା ଟଙ୍କା ସେମାନଙ୍କ ପାଖରେ ପହଂଚିବ ବୋଲି କହିଛନ୍ତି ଉପ-ମୁଖ୍ୟମନ୍ତ୍ରୀ ପ୍ରଭାତି ପରିଡା ।

ଏହା ବ୍ୟତୀତ ଆବାସ ଯୋଜନାରେ ଘର କରୁଥିବା ହିତାଧିକାରୀମାନଙ୍କୁ ଅଧିକ 50 ହଜାର ଟଙ୍କା ଦିଆଯିବ ।ବଣ୍ଡା ଘାଟିରେ ଥିବା ପାନୀୟ ଜଳ ସମସ୍ୟାର ସମାଧାନ ହେବ । ଘରେ ଘରେ ଟ୍ୟାବ ଯୋଗେ ପାଣି ଆସିବ । ବଣ୍ଡା ଘାଟି ମହିଳାଙ୍କ ଦ୍ବାରା ତିଆରି ହେଉଥିବା ଅଳଙ୍କାର ବିକ୍ରି ପାଇଁ ଭୁବନେଶ୍ବରରେ ବଜାର ତିଆରି ହେବ । ଜିଓ ନେଟଓ୍ବାର୍କ ଲାଗିବା ସହିତ ରାମ କୁଣ୍ଡ ଓ ସୀତା କୁଣ୍ଡ ଭଳି ପର୍ଯ୍ୟଟନ ସ୍ଥଳୀର ବିକାଶ ଦିଗରେ ସରକାର ପଦକ୍ଷେପ ଗ୍ରହଣ କରିବେ । ସଂଗ୍ରହାଳୟ ସ୍ଫାପନ ପାଇଁ ବ୍ୟବସ୍ଥା ହେଉଥିବା କଥା କହିଛନ୍ତି ଉପ-ମୁଖ୍ୟମନ୍ତ୍ରୀ ।

ବଣ୍ଡା ଜନଜାତିର ଅଳଙ୍କାର ପିନ୍ଧିଥିଲେ ଉପ-ମୁଖ୍ୟମନ୍ତ୍ରୀ । ଆୟୋଜିତ କାର୍ଯ୍ୟକ୍ରମରେ ବଣ୍ଡା ଜନଜାତିଙ୍କୁ ଜଙ୍ଗଲ ଜମି ପଟ୍ଟା ପ୍ରଦାନ କରିଥିଲେ l ପରେ ବଣ୍ଡା ମହିଳାଙ୍କ ସହ ବ୍ୟକ୍ତିଗତ ଭାବେ ଘାଟିର ସମସ୍ୟା ବିଷୟରେ ଆଲୋଚନା କରିଥିଲେ । ବଣ୍ଡାଘାଟି ସ୍ଥିତ ପ୍ରସିଦ୍ଧ ସୀତା କୁଣ୍ଡ ପରିଦର୍ଶନ କରି ମା ସୀତାଙ୍କୁ ପୂଜାର୍ଚନା କରିଥିଲେ ଉପ-ମୁଖ୍ୟମନ୍ତ୍ରୀ ପ୍ରଭାତି ପରିଡା ।

Argus News | argus news | Odisha Latest News, Breaking News, Trending News, Live TV