ମେ ୧୫ ତାରିଖ ପିଏମ୍ ଆବାସ ଯୋଜନା ପଞ୍ଜିକରଣର ଶେଷ ଦିନ

ମେ ୧୫ ତାରିଖ ପିଏମ୍ ଆବାସ ଯୋଜନାରେ ପଞ୍ଜିକରଣର ଶେଷ ଦିନ । ଏହି ସୂଚନା ଦେଇଛନ୍ତି ପଞ୍ଚାୟତିରାଜ ମନ୍ତ୍ରୀ ରବି ନାଏକ । ପିଏମ୍ ଆବାସ ଯୋଜନାରେ ପଞ୍ଜିକରଣ କରିସାରିଲେଣି ୩୫ ଲକ୍ଷ ଲୋକ । ପଞ୍ଜୀକରଣ ପାଇଁ ଆଉ ମାତ୍ର ଗୋଟିଏ ଦିନ ବାକି । ମେ ୧୫ ପରେ ବିଭାଗୀୟ ଅଧିକାରୀ ମାନେ ଘର ଘର ବୁଲି ସର୍ଭେ କରି ଚିହ୍ନଟ କରିବେ ଯୋଗ୍ୟ ହିତାଧିକାରୀ । ଦୁଇରୁ ତିନିଟି ପର୍ଯ୍ୟାୟରେ ସର୍ଭେ ହେବ । ସ୍କୃଟିନି ହେବା ପରେ ସର୍ଭେ ଠିକ୍ ଭାବେ ହୋଇଛି କି ନାହିଁ ଯାଞ୍ଚ କରାଯିବ ।

ସର୍ଭେରେ ଅବହେଳା ହୋଇଥିଲେ ସଂପୃକ୍ତ ଅଧିକାରୀଙ୍କ ଉପରେ ହେବ ଦୃଢ଼ କାର୍ଯ୍ୟାନୁଷ୍ଠାନ । କେନ୍ଦ୍ର ସରକାରଙ୍କୁ ଚୂଡ଼ାନ୍ତ ତାଲିକା ପଠାଯିବ । କେନ୍ଦ୍ର ଅର୍ଥ ଦେଲା ପରେ ରାଜ୍ୟ ସରକାର ନିଜର ଭାଗ ଦେବେ । ତେବେ ପୂର୍ବ ସରକାର ଯଦି ତାଲିକା ପ୍ରସ୍ତୁତ କରିଥାନ୍ତେ, ତେବେ ରାଜ୍ୟକୁ ଆହୁରି ଘର କେନ୍ଦ୍ର ଠାରୁ ମିଳି ସାରିଥାନ୍ତା । ତେଣୁ ତାଲିକା ନଥିବାରୁ ଲୋକ ମାନେ ଘର ପାଇବାରୁ ବଞ୍ଚିତ ହେଲେ କହିଛନ୍ତି ରବି ନାରାୟଣ ।