ପାପ ଲୁଚାଇବାକୁ ନେଲା ପ୍ରାଣ
ପାଇଖାନା ଟାଙ୍କିରେ ଲୁଚାଇଥିଲା ମୃତଦେହ
ହତ୍ୟା ପଛର କାରଣ ଅତ୍ୟନ୍ତ ଘୃଣ୍ୟ

୧୫ ତାରିଖ ସନ୍ଧ୍ୟା ସମୟ । ଡେଲାଙ୍ଗ ରତନପୁରର ୧୧ ବର୍ଷର ନାବାଳକ ଆଶୀର୍ବାଦ ସାହୁ କେଉଁ ଆଡେ ନିଖୋଜ ହୋଇ ଯାଇଥିଲା । ପୁଅକୁ ନପାଇ ଅସ୍ତବ୍ୟସ୍ତ ହୋଇ ପଡିଥିଲେ ପରିବାର ଲୋକେ । ପୁଅର ନିଖୋଜ ହେବାକୁ ନେଇ ବାପା ମାଆ ଦୁହେଁ ପୋଲିସ ପ୍ରଶାନ ପାଖରେ ଗୁହାରି କରିଥିଲେ । ନିଜ ପିଲାକୁ ଫେରାଇ ଆଣିବାକୁ ହାତ ପତାଇଥିଲେ । ଏହା ପରେ ପୋଲିସ ପ୍ରଶାସନ ସମସ୍ତଙ୍କ ପକ୍ଷରୁ ଆରମ୍ଭ ହୋଇଥିଲା ଜୋରଦାର ତଦନ୍ତ । ହେଲେ କେହି ଜାଣିନଥିଲେ ସଇତାନ ଥିଲା ଥିଲେ ତାଙ୍କର ଘର ପାଖରେ । ପାଖରେ ଥିବା ସମ୍ପର୍କୀୟ ସଇତାନ ଦାଦାର ଲୋଲୁପ ଦୃଷ୍ଟି ପଡିଥିଲା ୧୧ ବର୍ଷର ନାବାଳକ ଆଶୀର୍ବାଦ ଉପରେ ।

ନିଜର ସମ୍ପର୍କୀୟ ଦାଦା ପାଲଟିଲା ନର ରାକ୍ଷସ । ପୁତୁରାକୁ ମାରି ପାଇଖାନା ଟାଙ୍କିରେ ଲୁଚେଇ ରଖିଥିଲା ସେହି ନୃଶଂସ । ଦୀର୍ଘ ୬ ଦିନ ଖୋଜାଖୋଜି କରିବା ପରେ ଅଭିଯୁକ୍ତର ପାଇଖାନାରୁ ମିଳିଲା ନାବାଳକର ମୃତଦେହ । କାହାରିକୁ ସନ୍ଦେହ ନଥିଲା ଯେ ନିଜର ସମ୍ପର୍କୀୟ ଦାଦା ସେହି ପିଲା ସହ ଏପରି ନୃଶଂସ, ବିଭତ୍ସ , ନରକୀୟ କାଣ୍ଡ ଘଟେଇବ ।

ଅଭିଯୁକ୍ତ ଜଣକ ପ୍ରଭାକର ସାହୁ । ପ୍ରଭାକର ନାବାଳକକୁ ୧୫ ତାରିଖ ଦିନ ମାରି ନିଜର ପାଇଖାନା ଟାଙ୍କିରେ ଲୁଚାଇ ସେଠାରୁ ଚାଲି ଯାଇଥିଲା । ଘଟଣାର ୪ ଦିନ ପରେ ସେ ଫେରିଥିଲା । ଏବେ ପୋଲିସ ପ୍ରଶାସନ ସହ ସନ୍ଧାନୀ କୁକୁରର ତଦନ୍ତରେ ପାଇଖାନାରୁ ଶବ ମିଳିଥିବା ସହ ଆଶୀର୍ବାଦକୁ ସେହି ପ୍ରଭାକର ହତ୍ୟା କରିଥିବା ଜଣା ପଡିଛି । ଅଭିଯୁକ୍ତକୁ ଗିରଫ କରିଛି ପୋଲିସ ।

ତେବେ ପ୍ରଭାକର ନାବାଳକଙ୍କ ଗୁପ୍ତାଙ୍ଗ କାଟି ହତ୍ୟା କରିଥିବା ଜଣାପଡିଛି । ଅଭିଯୁକ୍ତ ବିବାହିତ ଥିବା ବେଳେ ତାଙ୍କର ସ୍ତ୍ରୀ ଏବଂ ଝିଅ ଅନେକ ଦିନ ହେବ ତାଙ୍କ ଠାରୁ ଦୂରରେ ନିଜ ବାପଘରେ ରହୁଛନ୍ତି । ତେବେ ପିଲାଙ୍କ ପ୍ରତି ଲୋଲୁପ ଦୃଷ୍ଟି ଥିବାରୁ ଏପରି ଜଘନ୍ୟ କାଣ୍ଡ ଘଟାଇଥିବା ସମ୍ପର୍କୀୟ କିଛି ଗ୍ରାମବାସୀ ମତ ଦେଇଛନ୍ତି।ଏଥିସହ ଭିଯୁକ୍ତକୁ ଫାଶୀ ଦିଆଯାଉ ବୋଲି ଦାବି କରିଛନ୍ତି । କିନ୍ତୁ ପ୍ରକୃତରେ କେଉଁ କାରଣ ପାଇଁ ସେ ଆଶୀର୍ବାଦକୁ ମାରିଛି ତାର ସ୍ପଷ୍ଟ କାରଣ ତଦନ୍ତ ପରେ ହିଁ ଜଣାପଡିବ ।