ସମୟ ସକାଳ ସାଢେ ସାତଟା...ବରଗଡ ଫିରିଙ୍ଗିମାଲ ଫୁଟବଲ ପଡିଆରେ ଜଣେ ନାବାଳିକା ଦେହରେ ନିଆଁ ଲଗାଇଦେଇଥିବା ଖବର ଆସିଲା। ଗୁରୁତର ଅବସ୍ଥାରେ ନାବାଳିକାକୁ ପ୍ରଥମେ ବରଗଡ ମେଡିକାଲ ଓ ପରେ ବୁର୍ଲା ମେଡିକାଲ ସ୍ଥାନାନ୍ତର କରାଗଲା । ମୃତ୍ୟୁ ସହ ସଂଗ୍ରାମ କରୁଥିବା ଅବସ୍ଥାରେ ନାବାଳିକା କହୁଥିଲା ତାକୁ ମେଡିକାଲ ନିଅ । ପାଟିରୁ ବାହାରିଥିଲା ଆଉ ଦୁଇ ପଦ ଅସ୍ପଷ୍ଟ କଥା । ଯାହାକୁ ଆଧାର କରି ଏବେ ପୋଲିସ କରୁଛି ଛାନଭିନ୍ । କାହଁକି ଦେହରେ ନିଆଁ ଲଗାଇଲା ୧୩ ବର୍ଷିୟ ନାବାଳିକା ?

ପରିବାର ଲୋକଙ୍କ କହିବା କଥା ପୂର୍ବ ରାତିରେ ସ୍ବାଭାବିକ ଥିଲା ତାର କଥାବାର୍ତ୍ତା । ଆଜି ପଦ୍ମପୁରର ଆଶ୍ରମ ସ୍କୁଲ ଯାଇଥାନ୍ତା ନାବାଳିକା । ଦୀର୍ଘ ବର୍ଷ ଧରି ମାମୁଁ ଧରେ ରହି ସେ ପଢୁଥିଲା ପାଠ । କିଛି ଦିନ ହେବ ଅସୁସ୍ଥ ଥିଲା ତାଙ୍କୁ ପଦ୍ମପୁର ହସ୍ପିଟାଲରେ ଭର୍ତ୍ତି କରାଯାଇଥିଲା । ଶରୀରରେ ରକ୍ତ ଅଭାବ କହିଥିଲେ ଡାକ୍ତର । ଘରେ ରହି ଔଷଧ ଖାଇବାକୁ ପରାମର୍ଶ ଦେଇଥିଲେ ଡାକ୍ତର

ନାବାଳିକା କାହିଁକି ଆତ୍ମହତ୍ୟା କଲା କାରଣ ଖୋଜୁଛି ପୋଲିସ ୩ଟି ଟିମ ଗଠନ କରାଯାଇଛି । ସାଇଣ୍ଟିଫିକ ଟିମ ଘଟଣା ସ୍ଥଳକୁ ଯାଇ ଯାଞ୍ଚ୍ କରିଛନ୍ତି । ନାବାଳିକା ପଢୁଥିବା ସ୍କୁଲ, ତାଙ୍କ ଗାଁ ପଦ୍ମପୁର ଟେଣାପଦର ଓ ମାମୁଁ ଘରେ ପୋଲିସ କରୁଛି ତଦନ୍ତ । ମୃତ୍ୟ ପୁର୍ଵରୁ ପୋଲିସ ନାବାଳିକାର ଭିଡିଓ ବୟାନ ରେକର୍ଡ କରିଛି । ଘଟଣା ସ୍ଥଳରୁ କିଛି ସାମଗ୍ରୀ ବି ଜବତ କରିଛି । ନାବିଳିକାର ଅଜା ଓ ପେଟ୍ରୋଲ ବିକୁଥିବା ଗାଁ ଦୋକାନୀକୁ ଅଟକ ରଖିଛି ପୋଲିସ । ନାବାଳିକାର ପରିବାର, ପଡୋଶୀ ଓ ଗ୍ରାମବାସୀଙ୍କୁ ମଧ୍ୟ ପଚରା ଉଚୁରା କରୁଛି ପୋଲିସ । ଉତ୍ତରାଞ୍ଚଲ ଆଇଜି କହିଛନ୍ତି ପାରିବାରିକ କଳହ ହେଉଛି କାରଣ
ଜୁଲାଇ ୧୨ରେ ବାଲେଶ୍ବରରେ ଏଫଏମ କଲେଜ ଆତ୍ମାହୁତି ଘଟଣା ରାଜ୍ୟରେ ସୃଷ୍ଟି କରିଥିଲା ହଇଚଇ । ପରେ ବଳଙ୍କା ଓ କେନ୍ଦ୍ରାପଡାର ବଡପଡାରେ ବି ଛାତ୍ରୀ ଆତ୍ମଦାହକୁ ନେଇ ଉଠୁଛି ପଡୁଛି ରାଜ୍ୟ.. ଏବେ ଏଥିରେ ଯୋଡି ହୋଇଛି ଆଉ ଏକ ଆତ୍ମଦାହର ଫର୍ଦ୍ଦ ।