ସୋରରେ ଗ୍ୟାସ କଟରରେ ଏଟିଏମ କାଟି ଟଙ୍କା ଲୁଟିନେଲେ ଦୁର୍ବୁତ୍ତ। ବାଲେଶ୍ୱର ଜିଲ୍ଲା ସୋର ଥାନା ବାଗୁଡ଼ି ଯୋଡ଼ାମ୍ବ ଛକରେ ଥିବା ଏସବିଆଇ ଏଟିଏମରୁ ଲୁଟ ହୋଇଥିବା ଜଣାପଡିଛି l ଗତକାଲି ବିଳମ୍ବିତ ରାତିରେ ଏହି ଲୁଟ ହୋଇଛି l ଲୋଟେରା ମାନେ ସିସିଟିଭି କ୍ୟାମେରାରେ କଳା ରଙ୍ଗ ସ୍ପ୍ରେ କରି ଏଟିଏମ ସଟର ଚାବିକୁ ଗ୍ୟାସ କଟର ମାଧ୍ୟମରେ କାଟି ଭିତରକୁ ପଶିଥିଲେ l ପରେ ଲୁଟେରା ମାନେ ଏଟିଏମ କାଟି ଟଙ୍କା ଲୁଟି ନେଇଥିଲେ l

ତେବେ ଏହି କଥା ଘର ମାଲିକଙ୍କୁ ତାଙ୍କ ଅଫିସରୁ ଫୋନ ଆସିଥିଲା l ସେ କିଛି ଲୋକଙ୍କୁ ଧରି ଘର ବାହାରକୁ ଆସିବା ବେଳକୁ ଲୁଟେରାମାନେ ପୁଣି ସଟର ଟାଣି ଫେରାର ହୋଇଯାଇଥିଲେ l ତେବେ ଗତ ଶନିବାର ଦିନ ଏଟିଏମରେ ଟଙ୍କା ଭର୍ତ୍ତି ହୋଇଥିବା ବେଳେ ଏଟିଏମରେ କେତେ ଟଙ୍କା ଥିଲା ଜଣାପଡ଼ିନାହିଁ l ସୋର ପୋଲିସ ପହଞ୍ଚି ଘଟଣାର ତଦନ୍ତ କରିଛି l ବାରମ୍ୱାର ଲୁଟିରେ ମାନେ ଏଟିଏମ କାଟି ଲୁଟି ନେଉଥିବା ଦେଖିବାକୁ ମିଳୁଛି। ଏନେଇ ଦୃଢ଼ କାର୍ଯ୍ୟାନୁଷ୍ଠାନ ହେବା ଜରୁରୀ।