ମକା ଫସଲରେ ନିଆଁ ଲଗେଇଦେଲେ ଦୁର୍ବୃତ୍ତ । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ରାଇଘର ବ୍ଲକ ବଙ୍ଗୀୟ ଗ୍ରାମ ସରଗୁଲିରେ । ସରଗୁଲି ଗ୍ରାମର ଜୋତିର୍ମୟ ସାନା ନିଜ ୫ ଏକରରୁ ଉର୍ଦ୍ଧ ଜମିରେ ପାଞ୍ଚମାସ ପୂର୍ବେ ମକା ଲଗେଇଥିଲେ। କିନ୍ତୁ ତାଙ୍କ ମକା କିଆରୀରେ କେହି ଦୁର୍ବୁତ୍ତ ଶତ୍ରୁତା କରି ସମ୍ପୂର୍ଣ ଚାଷ ହେଇଥିବା ମକା ଫସଲକୁ ନିଆଁ ଲଗେଇ ଦେଇଛି ।

ପୋଡି ଯାଇଥିବା ମକା ଫସଲର ମୂଲ୍ୟ ୬ ଲକ୍ଷରୁ ଅଧିକ ଥିବାବେଳେ ଜମିରେ ଲାଗିଥିବା ୩ ଲକ୍ଷ ଟଙ୍କାର ଡ୍ରିପ ପାଇପ ମଧ୍ୟ ପୋଡି ସମ୍ପୂର୍ଣ୍ଣ ନଷ୍ଟ ହୋଇଯାଇଛି । ତେବେ କିଏ ଏବଂ କାହିଁକି ଏପରି କରିଛନ୍ତି ଦୁର୍ବୃତ୍ତମାନେ । ଏନେଇ ତଦନ୍ତକୁ ଜୋରଦାର କରାଯିବା ଆବଶ୍ୟକ ବୋଲି ସାଧାରଣରେ ଚର୍ଚ୍ଚା ହେଉଛି।