ଶିକ୍ଷକ ବଦଳି ନେଇ ଚିଠି ଜାରି କଲା ବିଦ୍ୟାଳୟ ଓ ଗଣଶିକ୍ଷା ବିଭାଗ। ଏଥିପାଇଁ ଏଣିକି ଲାଗୁହେବ ନିର୍ଦ୍ଦିଷ୍ଟ ଗାଇଡଲାଇନ। କେବଳ ନିଜ ନିର୍ବାଚନ ମଣ୍ଡଳୀର ୧୫ ଜଣ ଶିକ୍ଷକ-ଶିକ୍ଷୟିତ୍ରୀଙ୍କୁ ବଦଳି ପାଇଁ ବିଧାୟକ, ସାଂସଦ ସୁପାରିଶ କରିପାରିବେ ।

ଗାଁରୁ ସହରାଞ୍ଚଳକୁ ବଦଳି ସୁପାରିଶ କରିପାରିବେ ନାହିଁ । ୧୫ ଜୁନରୁ ୧୫ ଜୁଲାଇ ଭିତରେ ସମସ୍ତ ପ୍ରସ୍ତାବକୁ ବିଚାରକୁ ନିଆଯିବ ବୋଲି କହିଛନ୍ତି ସ୍କୁଲ ଓ ଗଣ ଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ । ଏ ନେଇ ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ପ୍ରାଥମିକ ଏବଂ ମାଧ୍ୟମିକ ଶିକ୍ଷା ନିର୍ଦେଶକଙ୍କୁ ଚିଠି ଲେଖି ଅବଗତ କରାଯାଇଛି।