ଏଣିକି 'ମୋ ବସ୍‌' ହେବ 'ଆମ ବସ୍' । ଏନେଇ ଘୋଷଣା କରିଛନ୍ତି ସରକାର । ଖୋଦ ଗୃହ ଓ ନଗର ଉନ୍ନୟନ ମନ୍ତ୍ରୀ କୃଷ୍ଣ ଚନ୍ଦ୍ର ମହାପାତ୍ର ଦେଇଛନ୍ତି ସୂଚନା । ସେ କହିଛନ୍ତି '‘ମୋ ବସ୍‌’ର ନାଁ ପରିବର୍ତ୍ତନ ହୋଇ ହେବ ‘ଆମ ବସ୍‌’ । ‘ମୋ ବସ୍‌’ ହେଉଛି ଏକ ଅହଂକାର ଶବ୍ଦ । ମୋହନ ସରକାର ଲୋକଙ୍କ ସରକାର, ତେଣୁ 'ଆମର' କହିବା ଠିକ୍‌ ହେବ’ । ଦୁର୍ଘଟଣା ରୋକିବାକୁ ବସ୍‌ ଆଗରେ ଓ ପଛରେ କ୍ୟାମେରା ଲାଗିବ । ଡ୍ରାଇଭର ଆଲର୍ଟ ରହିବା ପାଇଁ ବସ୍‌ରେ ଆଡସ୍‌ ମଧ୍ୟ ଲାଗିବ । ଯଦି ଡ୍ରାଇଭରଙ୍କ ଆଖି ଲାଗିଯାଏ ତାହେଲେ ସାଇରନ୍‌ ବାଜିବ ।’

ପୂର୍ବରୁ ଲକ୍ଷ୍ମୀ ବସର ନାଁ ମଧ୍ୟ ବଦଳାଯାଇଛି । 'ଲକ୍ଷ୍ମୀ ବସ୍‌'କୁ 'ମୁଖ୍ୟମନ୍ତ୍ରୀ ବସ୍ ସେବା' ନାଁରେ ନାମିତ କରାଯାଇଛି । ଖାଲି ସେତିକି ନୁହେଁ ଲକ୍ଷ୍ମୀ ବସ୍‌ର ରଙ୍ଗ ମଧ୍ୟ ବଦଳାଯାଇଛି । ସବୁଜ ଲକ୍ଷ୍ମୀ ବସ୍‌କୁ ଗେରୁଆ ରଙ୍ଗ କରାଯାଇଥିଲା । ପ୍ରଥମେ ଢେଙ୍କାନାଳରେ ଗେରୁଆ ରଙ୍ଗ ହୋଇଥିଲା ଲକ୍ଷ୍ମୀ ବସ୍ ।