ଅର୍ଗସ ବ୍ୟୁରୋ: ଜନ ସମର୍ଥନ ନୁହେଁ, ଟଙ୍କା ହିଁ ବିଜେଡିର ଶେଷ ଭରସା । ଏହା ଏବେ ଅଭିଯୋଗ ନୁହେଁ, ପ୍ରମାଣ ଆକାରରେ ସର୍ବସାଧାରଣରେ ଉପଲବ୍ଧ । ବାଲେଶ୍ବର ଜିଲ୍ଲା ରେମୁଣା ବ୍ଲକ ପରିସରରେ ଥିବା ମିଶନ ଶକ୍ତି ଭବନରୁ ଉଦ୍ଧାର ହୋଇଛି ଭୋଟରଙ୍କ ପାଇଁ ବାଣ୍ଟିବା ଉଦ୍ଦେଶ୍ୟରେ ଥିବା ବଣ୍ଡଲ ବଣ୍ଡଲ ଟଙ୍କା । ଆଜି ସନ୍ଧ୍ୟା ପରେ ମିଶନ ଶକ୍ତି ସରକାରୀ କର୍ମଚାରୀ ଓ ମହିଳାମାନଙ୍କର ଯିବା ଆସିବାକୁ ଦେଖି ସନ୍ଦେହରେ ସାଧାରଣ ଲୋକ ବିରୋଧ କରିଥିଲେ । ଲୋକମାନେ ଅଟକ ରଖିବା ପରେ ପହଞ୍ଚିଥିଲା ଫ୍ଲାଇଙ୍ଗ ସ୍କ୍ବାର୍ଡ । 

ମିଶନ ଶକ୍ତି ଗୃହ ସରକାରୀ ପରିସର । ଏହିଠାରେ ସରକାରୀ କର୍ମଚାରୀ ଓ ମିଶନ ଶକ୍ତି ମହିଳାମାନେ ପଞ୍ଚାୟତ ଓ ବୁଥ୍ ହିସାବରେ ଭୋଟରଙ୍କୁ ବାଣ୍ଟିବା ପାଇଁ ଧଳା ଖାମରେ 500 ଟଙ୍କିଆ ନୋଟ୍ ପୂରାଇ ରଖିଥିଲେ । ଏହି ଟଙ୍କା ନେଇ ଅନ୍ଧାରୀ ବିଜେ କରି ଟଙ୍କା ବାଣ୍ଟି ଭୋଟ କିଣିବା ପାଇଁ ଉଦ୍ୟମ କରିବାର ଅଭିଯୋଗ ହୋଇଛି । 
ଘଟଣାସ୍ଥଳରେ ଶହ ଶହ ସାଧାରଣ ଲୋକ ପହଞ୍ଚିବା ସହ ବିଜେପି ପ୍ରାର୍ଥୀ ଗୋବିନ୍ଦ ଦାସ ଓ ତାଙ୍କର ଅନେକ ସମର୍ଥକ ପହଁଞ୍ଚି ବିଜେଡିର ଟଙ୍କା ବଣ୍ଟା ଓ ଭୋଟ୍ କିଣାକୁ ବିରୋଧ କରିଥିଲେ । ଜଣେ ମହିଳା ଅଟକ ରହିଥିବା ଅନେକ ଫେରାର୍ ମାରିଥିବା ଜଣାପଡ଼ିଛି । ଘଟଣାସ୍ଥଳରେ ପହଞ୍ଚିଲେ ବାଲେଶ୍ବର ବିଜେପି ସାଂସଦ ପ୍ରାର୍ଥୀ ପ୍ରତାପ ଷଡ଼ଙ୍ଗୀ।

ଅଧିକ ପଢ଼ନ୍ତୁ ନିର୍ବାଚନ ଖବର