ପଣା ପିଇ ୫୦ରୁ ଅଧିକ ଝାଡ଼ାବାନ୍ତିରେ ଆକ୍ରାନ୍ତ । ଭଦ୍ରକ ଜିଲ୍ଲା ଜଗଦଳପୁର ପଞ୍ଚାୟତ ଜୁଡାଗଡିଆ ଗାଁରେ ଝାଡ଼ାବାନ୍ତି । ଖବର ପାଇ ଗାଁରେ ପହଞ୍ଚିଲା ସ୍ୱାସ୍ଥ୍ୟ ଟିମ୍‌ । ସ୍ଥାନୀୟ ଆଶାକର୍ମୀ ଓ ସରପଞ୍ଚ ଘଟଣା ବିଷୟରେ ଖବର ପାଇ ସିଡିଏମଓଙ୍କୁ ଜଣାଇଥିଲେ । ପରେ ଭଦ୍ରକ ସିଡିଏମଓ ଡକ୍ଟର ସୁଧାଂଶୁ ଶେଖର ବଳଙ୍କ ସହ 3ଟି ଟିମ ଗାଁରେ ପହଞ୍ଚି ଚିକିତ୍ସା ଆରମ୍ଭ କରିଛନ୍ତି । ଘରକୁ ଘର ବୁଲି ଚିକିତ୍ସା କରିବା ସହ ସ୍ଥାନୀୟ ଅଙ୍ଗନବାଡ଼ି କେନ୍ଦ୍ରରେ କ୍ୟାମ୍ପ କରିଛନ୍ତି ମେଡିକାଲ ଟିମ୍ । ଆକ୍ରାନ୍ତଙ୍କୁ ଓଆରଏସ ସହ ଅନ୍ୟ ମେଡିସିନ ଦିଆଯାଉଛି । ଦୁଇ ଜଣଙ୍କୁ ଅଧିକ ଚିକିତ୍ସା ପାଇଁ ମେଡିକାଲକୁ ପଠାଯାଇଛି । ଝାଡାବାନ୍ତିର କାରଣ ଜାଣିବା ପାଇଁ ଝାଡା ପରିସ୍ରା ପରୀକ୍ଷା ସହ ପାନୀୟ ଜଳର ପରୀକ୍ଷା ନମୁନା ସଂଗ୍ରହ କରାଯାଉଛି ।