ଭଗବାନଙ୍କ ଅପୂର୍ବ ସର୍ଜନା... ଘରମୁହାଁ ଅଲିଭରିଡଲେ ଶାବକ । କୃଷ୍ଣପ୍ରସାଦ ରାଜହଂସ ବେଳାଭୂମିରୁ ଆସିଲା ଖୁସିଖବର । ମା' ଡାକୁଛି ଆ... । ଭଗବାନଙ୍କ ଅପୂର୍ବ ସର୍ଜନା । ମାଆ କଇଁଛ ସମୁଦ୍ର ବେଳାଭୂମିରେ ପୋତି ଦେଇ ଯାଇଥିଲା ଅଣ୍ଡା । ଆଉ ଏବେ କଇଁଛ ଶାବକ ସବୁ ମାଆ କୋଳକୁ ଫେରି ଯାଉଛନ୍ତି । ଏ ପ୍ରକୃତି ନିଜକୁ ଏମିତି ସଜେଇଛି... ଏ ମଣିଷ ଖାଲି ତାଙ୍କୁ ସୁରକ୍ଷା ଦିଅନ୍ତି ।

ଚିଲିକା ବନ୍ୟପ୍ରାଣୀ ବନଖଣ୍ଡର ସାତପଡା ରେଞ୍ଜ ଅଧିନରେ ଥିବା ରାଜହଂସ ବେଳାଭୂମିରେ ବିରଳ ଅଲିଭରିଡଲେ କଇଁଛ ଛୁଆ ସମୁଦ୍ର ଗର୍ଭକୁ ଯାଉଥିବାର ଅପୂର୍ବ ଦୃଶ୍ୟ ଆନନ୍ଦ ଦେଉଛି । ଚଳିତ ବର୍ଷ ରାଜହଂସ ବିଟ୍ ହାଉସ୍ ଅଧିନରେ ଥିବା ଅସ୍ଥାୟୀ ହାଚେରିରେ ଆଜି ସୁଧା ୭୮ଟି ବସାରେ ୮୨୬୬ଟି ଅଣ୍ଡା ସଂଗ୍ରହ କରି ରଖିଛି ବନବିଭାଗ । ସେଥିମଧ୍ୟରୁ ୯ଟି ବସାରୁ ମୋଟ ୮୯୮ଟି ଛୁଆ କଇଁଛ ସମୁଦ୍ର ଯାଇଛନ୍ତି । ଗତ ବର୍ଷ ତୁଳନାରେ ଚଳିତ ବର୍ଷ ପାଗ ଅନୁକୂଳ ଲାଗି ସମୁଦ୍ର ଉପକୂଳକୁ ଆସିଛନ୍ତି ମାତ୍ରାଧିକ କଇଁଛ ।