ଭୁବନେଶ୍ୱର: ସବୁ ମାମଲାରେ ନିର୍ଦ୍ଦୋଷ ହେଲେ ସାଂସଦ ପ୍ରଦୀପ ପାଣିଗ୍ରାହୀ । ଗତକାଲି 2ଟି ମାମଲାରେ ପ୍ରଦୀପଙ୍କୁ ନିର୍ଦ୍ଦୋଷ ଦର୍ଶାଇଥିଲେ କୋର୍ଟ । ଆଜି ବାକି 3ଟି ମାମଲାରେ ପ୍ରଦୀପଙ୍କୁ ନିର୍ଦ୍ଦୋଷ ଦର୍ଶାଇଲେ କୋର୍ଟ । ନିର୍ଦ୍ଦୋଷ ଘୋଷଣା କଲେ ପ୍ରଥମ ଶ୍ରେଣୀ JMFC ଗ୍ରାମାଞ୍ଚଳ କୋର୍ଟ । ଚାକିରି ଦେବା ନାଁରେ ଟଙ୍କା ଠକେଇ ମାମଲାରେ ନିର୍ଦ୍ଦୋଷ । ଟାଟା କମ୍ପାନୀରେ ଚାକିରି ଦେବା ନାଁରେ ମାମଲା ହୋଇଥିଲା । କାଲି ସତ୍ୟର ବିଜୟ ହୋଇଛି ବୋଲି କହିଥିଲେ ପ୍ରଦୀପ ପାଣିଗ୍ରାହୀ । ଆକ୍ରୋଶମୂଳକ ଭାବେ ବଦ୍‌ନାମ କରିବାକୁ ଚାହିଁଥିଲେ ପୂର୍ବ ସରକାର । ଆକ୍ରୋଶମୂଳକ ଭାବେ ମାମଲା କରିଥିଲେ ବୋଲି ବିଷୋଦ୍‌ଗାର କରିଥିଲେ ।

ପ୍ରଦୀପଙ୍କୁ ଜନ ବିରୋଧୀ ସଜାଇ ଦଳରୁ ବାହାର କରିଥିଲା ବିଜେଡି । ଗୋଟିଏ ପରେ ଗୋଟିଏ 5ଟି ଠକେଇ ମମାଲାରେ ଫସେଇ ନିନ୍ଦିତ କରିଥିଲା ବିଜେଡି । ଏବେ ସମସ୍ତ ମାମଲାରେ କୋର୍ଟ ପ୍ରଦୀପଙ୍କୁ ନିର୍ଦ୍ଦୋଶରେ ଖଲାସ କରିଛନ୍ତି । କୋର୍ଟରେ ନିଜେ ଉପସ୍ଥିତ ରହି ବୟାନ ଦେଇଥିଲେ ପ୍ରଦୀପ । ଗୋଳନ୍ଥରା ଓ ବୈଦନାଥପୁର ଥାନାରେ ତାଙ୍କ ନାଁରେ ହୋଇଥିବା ଚାକିରି ଠକେଇ ମାମଲାରେ ତାଙ୍କୁ ଦୋଷ ମୁକ୍ତ କରିଛନ୍ତି କୋର୍ଟ । ନିର୍ଦ୍ଦୋଶରେ ଖଲାସ ହେବା ପରେ ବିଜେଡିର ପ୍ରତିଶୋଧ ରାଜନୀତିର ପୋଲ ଖୋଲିଛନ୍ତି ପ୍ରଦୀପ ।

କେବଳ ପ୍ରଦୀପ ପାଣିଗ୍ରାହୀ ନୁହଁନ୍ତି ଅଭୟ ପାଠକ ଓ ଆକାଶ ପାଠକ ମଧ୍ୟ ଏ ଦୁଇ ମାମଲାରେ ନିର୍ଦ୍ଦୋଶରେ ଖଲାସ ହୋଇଛନ୍ତି । ପ୍ରଦୀପଙ୍କ ସହ ସଂପର୍କ ଥିବାରୁ ଏମାନଙ୍କୁ ବି ଜେଲକୁ ପଠାଇଦେଇଥିଲେ ବିଜେଡି ସରକାର । କୋର୍ଟରେ ପୂର୍ବରୁ ସାକ୍ଷୀ ଖୋଲିଥିଲେ ମିଛ ମାମଲାର ଗୁମର । ଡିସେମ୍ବର 18 ତାରିଖରେ ପୋଲିସ କିପରି ଭୟଭୀତ କରି ଅଭିଯୋଗ କରିବାକୁ ବାଧ୍ୟ କରିଥିଲା ତାର ପୋଲ୍ ଖୋଲିଥିଲେ 3 ସାକ୍ଷୀ ।

Argus News | argus news | Odisha Latest News, Breaking News, Trending News, Live TV