ସୁସ୍ଥ ହୋଇ ଭୁବନେଶ୍ବର ଫେରିଲେ ସାଂସଦ ପ୍ରତାପ ଷଡ଼ଙ୍ଗୀ

ଭୁବନେଶ୍ୱର: ସୁସ୍ଥ ହୋଇ ଭୁବନେଶ୍ବର ଫେରିଲେ ସାଂସଦ ପ୍ରତାପ ଷଡ଼ଙ୍ଗୀ । ସଂସଦ ଭବନରେ ହୋଇଥିବା ଠେଲାପେଲା ଘଟଣାରେ ଆହତ ହୋଇ ମେଡ଼ିକାଲରେ ଭର୍ତ୍ତି ହୋଇଥିଲେ। ଏହା ଅତ୍ୟନ୍ତ ଜଘନ୍ୟ ଓ ନିନ୍ଦନୀୟ ଘଟଣା ବୋଲି କହିଛନ୍ତି ପ୍ରତାପ । କୌଣସି ସାଂସଦ ଏଭଳି ଅଶୋଭନୀୟ ଆଚରଣ କରନ୍ତି କି ବୋଲି ପ୍ରଶ୍ନ କରିଛନ୍ତି । ଗଣତନ୍ତ୍ରରେ ହିଂସାର ସ୍ଥାନ ନାହିଁ । ଯେଉଁମାନେ ଏଭଳି କରୁଛନ୍ତି, ସେମାନଙ୍କୁ ନିର୍ବାଚନୀ ରାଜନୀତିରେ ସଠିକ୍ ଜବାବ ଦିଆଯାଉ ।

ଯେଉଁ ମାନେ ଏମର୍ଜେନ୍ସି ସମୟରେ ଗଣତନ୍ତ୍ରର ବାରମ୍ବାର ହତ୍ୟା କରିଥିଲେ, ସେମାନଙ୍କୁ ଗଣତାନ୍ତ୍ରିକ ପଦ୍ଧତିରେ ଉଚିତ ଜବାବ ଦେବେ ଦେଶବାସୀ । ବିରୋଧୀ ଦଳ ନେତା ହେବାକୁ ଅଯୋଗ୍ୟ ରାହୁଲ୍। କିଏ ମିଛ କହିଛି, କିଏ ସତ କହୁଛି, ସିସିଟିଭି କହିବ । ସବୁ ମେଡିକାଲ ଟେଷ୍ଟ ଓ ଚିକିତ୍ସା ମଧ୍ୟ ହୋଇଛି । ଆଖିରେ ଅନ୍ଧ ପୁଟୁଳି ବାନ୍ଧି ସୂର୍ଯ୍ୟ ନାହାନ୍ତି ବୋଲି କହିଲେ ସୂର୍ଯ୍ୟଙ୍କ ଅସ୍ତିତ୍ବ ଅସ୍ଵୀକୃତି ହୁଏ ନାହିଁ । ସେମାନଙ୍କ କାମ ହେଲା କୁତ୍ସରଟନା କରିବା ବୋଲି କହିଛନ୍ତି ପ୍ରତାପ ।