ନୂଆପଡ଼ା: ଆଲୋକର ପର୍ବ ଦୀପାବଳି । ଦୀପାବଳି ପାଇଁ ଲୋକଙ୍କ ମନରେ କାହିଁ କେତେ ଖୁସି ଆଉ କେତେ ଆନନ୍ଦ । କିନ୍ତୁ ଏମିତି ବି ଲୋକ ଅଛନ୍ତି ଅର୍ଥ ଅଭାବ ଯୋଗୁଁ ସେମାନେ ଦୀପାବଳୀକୁ ପାଳନ କରିନଥାନ୍ତି । ଏହି ଭଳି ମୁହୂର୍ତ୍ତରେ କୁନି କୁନି ପିଲାଙ୍କ ମୁହଁରେ ହସ ଫୁଟାଇବା ପାଇଁ ଆଗକୁ ଆସିଛି ଖରୀଆର ରୋଡ ସେବା ସମିତି । ମୁସ୍କାନ ନାମକ କାର୍ଯ୍ୟକ୍ରମ କରି ମିଠା , ବାଣ, ଦୀପ ଭଳି ବିଭିନ୍ନ ସାମଗ୍ରୀ ଦେଇଛନ୍ତି ।
ଆଜକୁ ସାତ ବର୍ଷ ହେବ ଜାରି ରଖିଛନ୍ତି ମୁଷ୍କାନ କାର୍ଯ୍ୟକ୍ରମ ।

ମିଠା, ଦୀପ , ବାଣ ଭଳି ସାମଗ୍ରୀ ପାଇ ପିଲା ମାନେ ମଧ୍ୟ ବେସ୍‌ ଖୁସି। ସ୍ଥାନୀୟ ସହର ର ଯୁବକ ନିଶାନ୍ତ ଡାଗା ଏବଂ ପତ୍ନୀ ନେହା ଡ଼ାଗା ପ୍ରତ୍ୟେକ ପଡ଼ା କୁ ଯାଇ ବାଣ୍ଟୁଛନ୍ତି ବିଭିନ୍ନ ସାମଗ୍ରୀ । ପ୍ରତିବର୍ଷ ଏହିପରି ଭାବେ ଆମେ ଦୀପାବଳି ପାଳନ କରୁଛୁ ବୋଲି କହିଛନ୍ତି ଏହି ଦମ୍ପତି । ଖରୀଆର ରୋଡ ସହର ବନକା ଠାରେ ଆୟୋଜିତ ହୋଇଥିବା ଏହି ମୁସ୍କାନ କାର୍ଯ୍ୟକ୍ରମ ରେ ନୂଆପଡ଼ା ବିଧାୟକ ତଥା ଯୋଜନା ଓ ସମନ୍ବୟ ମନ୍ତ୍ରୀ ରାଜେନ୍ଦ୍ର ଢୋଲକିଆ ଯୋଗ ଦେଇଥିଲେ ।ଏହି ପରି କାର୍ଯ୍ୟକ୍ରମ କରିଥିବାରୁ ଧନ୍ୟବାଦ ଦେଇଛନ୍ତି ମନ୍ତ୍ରୀ । ରାଜେନ୍ଦ୍ର ଢୋଲକିଆ, ନୂଆପଡ଼ା ବିଧାୟକ ତଥା ମନ୍ତ୍ରୀ । ତେବେଏହି ଭଳି ମହତ କାମ କୁ ଲୋକେ ଭୂରି ଭୂରି ପ୍ରଶଂସା କରିଛନ୍ତି ।
ଅଧିକ ଦେଖନ୍ତୁ :

Argus News | argus news | Odisha Latest News, Breaking News, Trending News, Live TV