ଭୁବନେଶ୍ୱର: ନନ୍ଦନକାନନର 64 ତମ ପ୍ରତିଷ୍ଠା ଦିବସ ଅବସରରେ ଫାର୍ମା ୱାଲାବୀ ଖୁଆଡ଼ର ଲୋକାର୍ପଣ କଲେ ଜଙ୍ଗଲ ପରିବେଶ ମନ୍ତ୍ରୀ ପ୍ରଦୀପ ଅମାତ । ଉତ୍ସବରେ ଜଟଣୀ ବିଧାୟକ ସୁରେଶ ରାଉତରାୟ, ଜଙ୍ଗଲ ବିଭାଗ ଅତିରିକ୍ତ ମୁଖ୍ୟ ଶାସନ ସଚିବ ସତ୍ୟବ୍ରତ ସାହୁ, ବନ୍ୟପ୍ରାଣୀ ପିସିସିଏଫ ଉପସ୍ଥିତ ଅଛନ୍ତି । କାସୁଆରୀ ପକ୍ଷୀ ପାଇଁ ସ୍ୱତନ୍ତ୍ର ଏନକ୍ଲୋଜର ଲୋକାର୍ପିତ ହୋଇଛି । ଅଷ୍ଟ୍ରିକ ଖୁଆଡ଼ ବି ଲୋକାର୍ପିତ କଲେ ଅତିଥୀ ।

ନନ୍ଦନକାନନରେ ବାଘ ଶାବକ ଓ ସିଂହ ଶାବକ ନାମକରଣ କଲେ ଜଙ୍ଗଲ ଓ ପରିବେଶ ମନ୍ତ୍ରୀ । ବାଘୁଣୀ ଅଙ୍କିତାର ଶାବକ ନାମ ଶ୍ରୀ, ତୃପ୍ତି, ଜୟଶ୍ରୀ, ଅମିତ୍ ରଖାଯାଇଥିବାବେଳେ ବାଘୁଣୀ ରୂପାର ଶାବକ ନାମ ଅମୃତା, ଶିବ ରଖାଯାଇଛି । ବିଜୁଳି ସିଂହିର ଶାବକ ନାମ ଶ୍ରଦ୍ଧା, ରିମା, ଅନାମିକା, ଯୁବରାଜ ରଖାଯାଇଥିବା ବେଳେ ରେୱା ସିଂହି ଶାବକ ନାମ ମାୟା, ଶିବମ । ହାତୀ ଶାବକ ନାମ ଅଭି, ଆଶା ରଖାଯାଇଛି ।

ଆଗାମୀ ବର୍ଷକ ମଧ୍ୟରେ ନନ୍ଦନକାନନ ହେବ ବିଶ୍ଵସ୍ତରୀୟ । ପୂରା କଳେବର ବଦଳିବ । ଗତ ୮-୧୦ ମାସ ମଧ୍ୟରେ ଅନେକ ରୂପରେଖ ବଦଳିଛି । ପ୍ରାଣୀ ଅଦଳବଦଳ ପ୍ରକ୍ରିୟା ଜରିଆରେ ବହୁ ନୂଆ ଜୀବଜନ୍ତୁ ଆସିଛନ୍ତି । ରୋପ ୱେ, ବୋଟିଂ ବ୍ୟବସ୍ଥା ହୋଇଛି । ଦୁବାଇରୁ ଖୁବଶୀଘ୍ର ଚିତା ବାଘ ଓ ଧଳା ସିଂହ ଶାବକ ଆସିବ । କାଞ୍ଜିଆ ହ୍ରଦ ବିକାଶ ଲାଗି SRC ପାଣ୍ଠିରୁ ୧୭ କୋଟି ଟଙ୍କା ଦିଆଯାଇଛି । ନନ୍ଦନକାନନ ଚିଡ଼ିଆଖାନା ଚୁଡ଼ଙ୍ଗ ଯାଏଁ ବଢିବା ସହ ଖୁବଶୀଘ୍ର ନାଇଟ ସଫାରୀ ବ୍ୟବସ୍ଥା ମଧ୍ୟ ହେବ ।

Argus News | argus news | Odisha Latest News, Breaking News, Trending News, Live TV