ନବୀନ ବାବୁଙ୍କ ମୁହଁରେ ମହାମିଛ କୁହାଯାଉଛି। ମୁଁ ଦଳରେ ନାହିଁ କହିବା ମହାମିଥ୍ୟା ବୋଲି ପ୍ରେସ ମିଟ୍‌ରେ କହିଲେ ପ୍ରଭାତ ତ୍ରିପାଠୀ। ଓ୍ୱାକଫ ପ୍ରସଙ୍ଗ ଲୁଚାଇବାକୁ ପ୍ରଭାତ ପ୍ରସଙ୍ଗ କହିଲେ। ପରୋକ୍ଷରେ ପାଣ୍ଡିଆନଙ୍କୁ ଟାର୍ଗେଟ କରିଲେ ପ୍ରଭାତ। କାଲି ସନ୍ଧ୍ୟା ଯାଏଁ ମୁଁ ଦଳରେ ଥିଲି। ଗତକାଲିର ପ୍ରସଙ୍ଗ ପରେ ଆଜି ଜବାବ ରଖିଛନ୍ତି ବାଙ୍କୀର ପୂର୍ବତନ ବିଧାୟକ ପ୍ରଭାତ ତ୍ରିପାଠୀ। ପ୍ରଭାତ ତ୍ରିପାଠୀଙ୍କୁ ବିଜେଡିରୁ ବହିଷ୍କାର କରାଯାଇଥିବା ଗତକାଲି କହିଥିଲେ ନବୀନ। ନବୀନ କହିଲେ, ପ୍ରଭାତ ତ୍ରିପାଠୀଙ୍କୁ କିଛି ବର୍ଷ ପୂର୍ବରୁ ବିଜେଡିରୁ ବହିଷ୍କାର କରାଯାଇଥିଲା । ପ୍ରଭାତ ଚିଟଫଣ୍ଡ ମାମଲାରେ ସମ୍ପୃକ୍ତ ଥାଇ କିଛି ବର୍ଷ ଜେଲରେ କାଟିଥିବା କହିଲେ ନବୀନ । ପ୍ରଭାତ ତ୍ରିପାଠୀ ବିଜେଡିରେ ନାହାନ୍ତି ବୋଲି କହିଥିଲେ ନବୀନ । 2014ରେ ବିଜେଡିରୁ ନିଲମ୍ବିତ ହୋଇଥିଲେ ପ୍ରଭାତ ତ୍ରିପାଠୀ।

2017 ନଭେମ୍ବର 10ରେ ପ୍ରଭାତ ତ୍ରିପାଠୀଙ୍କ ନିଲମ୍ବନ ପ୍ରତ୍ୟାହାର ହୋଇଥିଲା ।2019 ନିର୍ବାଚନ ପ୍ରଚାରରେ ପ୍ରଭାତଙ୍କ ସହ ଗୋଟିଏ ମଞ୍ଚରେ ଥିଲେ ନବୀନ । 2019ରେ ବାଙ୍କୀରୁ ବିଜେଡି ପ୍ରାର୍ଥୀ ହୋଇଥିଲେ ପ୍ରଭାତ ତ୍ରିପାଠୀଙ୍କ ପୁଅ । ନବୀନଙ୍କ ମନ୍ତବ୍ୟକୁ ନେଇ ଦ୍ବନ୍ଦ୍ବ । ବାଙ୍କୀର ପୂର୍ବତନ ବିଧାୟକ ପ୍ରଭାତ ତ୍ରିପାଠୀଙ୍କ ପ୍ରସଙ୍ଗରେ ବିଜେଡି ସୁପ୍ରିମୋ ନବୀନ ପଟ୍ଟନାୟକ ଦେଇଥିବା ବୟାନକୁ ନେଇ ଦ୍ବନ୍ଦ୍ବ ସୃଷ୍ଟି ହୋଇଛି । ନବୀନ କହିଛନ୍ତି ପ୍ରଭାତ ତ୍ରିପାଠୀଙ୍କୁ କିଛି ବର୍ଷ ପୂର୍ବରୁ ବିଜେଡିରୁ ବହିଷ୍କାର କରାଯାଇଥିଲା। ସେ ଚିଟଫଣ୍ଡ ମାମଲାରେ ସମ୍ପୃକ୍ତ ଥିଲେ ଏବଂ କିଛି ବର୍ଷ ଜେଲରେ କାଟିଥିଲେ । ସେ ଦଳରେ ନାହାନ୍ତି ବୋଲି ସ୍ପଷ୍ଟ କହିଲେ ନବୀନ। କିନ୍ତୁ ନବୀନଙ୍କ ଏହି ମନ୍ତବ୍ୟ ପରେ ସୋସିଆଲ୍ ମିଡିଆରେ ଘୂରି ବୁଲୁଛି ବିଜୁ ଜନତା ଦଳର ଏକ ପ୍ରେସ୍ ଇସ୍ତାହାର। ଯେଉଁଥିରେ 2017 ନଭେମ୍ବର 10 ତାରିଖରେ ବିଜେଡି ସୁପ୍ରିମୋ ପ୍ରଭାତ ତ୍ରିପାଠୀଙ୍କ ଉପରୁ ନିଲମ୍ବନ ପ୍ରତ୍ୟାହାର କରିଥିବା ଉଲ୍ଲେଖ ଅଛି ।

ଏହା ପରେ 2019 ମସିହା ସାଧାରଣ ନିର୍ବାଚନ ପ୍ରଚାର ସମୟର ଭିଡିଓ ମଧ୍ୟ ସୋସିଆଲ୍ ମିଡିଆରେ ଭାଇରାଲ୍ ହେଉଛି। ଯେଉଁଥିରେ ବାଙ୍କୀରେ ବିଜେଡିର ଏକ ଜନସଭା ମଞ୍ଚରେ ଏକା ସାଙ୍ଗରେ ଦେଖାଯାଇଛନ୍ତି ନବୀନ ଓ ପ୍ରଭାତ ତ୍ରିପାଠୀ। ସେତେବେଳେ ବିଜେଡିରୁ ପ୍ରାର୍ଥୀ ହୋଇଥିବା ପ୍ରଭାତ ତ୍ରିପାଠୀଙ୍କ ପୁଅ ଦେବୀ ରଞ୍ଜନ ତ୍ରିପାଠୀଙ୍କ ପାଇଁ ପ୍ରଚାର କରିବାକୁ ଯାଇଥିଲେ ଖୋଦ୍ ନବୀନ ପଟ୍ଟନାୟକ।ଆଜି ନିଜେ ପ୍ରଭାତ ତ୍ରିପାଠୀ ପ୍ରେସ ମିଟ୍‌ କରି ସବୁ ଖୋଲି କହିଦେଇଛନ୍ତି। କହିଲେ କାଲି ଯାଏଁ ଥିଲି। ମିଛ କହୁଛନ୍ତି ନବୀନ ପଟ୍ଟନାୟକ।

Argus News | argus news | -Argusnews Home: Odisha Latest News, Breaking News, Trending News, Live TV and more