ନବୀନ ନିବାସରେ ପହଞ୍ଚିଲେ ବଡ଼ ଭାଇ ପ୍ରେମ ପଟ୍ଟନାୟକ । ହସ୍ପିଟାଲରୁ ନବୀନ ପଟ୍ଟନାୟକ ଡିସଚାର୍ଜ ହୋଇ ଘରକୁ ଫେରିଛନ୍ତି । ତାଙ୍କ ସ୍ୱାସ୍ଥ୍ୟ ଅବସ୍ଥା ବୁଝିବାକୁ ଭୁବନେଶ୍ୱର ଆସିଛନ୍ତି ତାଙ୍କ ବଡ଼ ଭାଇ ପ୍ରେମ ପଟ୍ଟନାୟକ । ଡିହାଇଡ୍ରେସନ୍ ପାଇଁ ମେଡିକାଲରେ ଭର୍ତ୍ତି ହୋଇଥିଲେ ନବୀନ । କିଛି ଦିନ ଚିକିତ୍ସା ହେବା ପରେ ସୁସ୍ଥ ହୋଇ ଫେରିଛନ୍ତି ।

ସେପଟେ ନବୀନଙ୍କ ଅସୁସ୍ଥତା ପରେ ରାଜ୍ୟ ରାଜନୀତି ସରଗରମ ହୋଇପଡିଛି । ଅସୁସ୍ଥ ନବୀନଙ୍କୁ ଭେଡିବାକୁ ଯାଇ ପାଣ୍ଡିଆନଙ୍କ ଧମକ ଶୁଣିଲେ ବିଜେଡି ନେତା । ତାପରେ ପାଣ୍ଡିଆନଙ୍କ କଥାରେ ମୋହର ମାରିଲେ ଦଳର ସାଧାରଣ ସମ୍ପାଦକ ମନ୍ମଥ ରାଉତରାୟ । କହିଲେ ଗହଳି କରୁଥିବାରୁ ଶୃଙ୍ଖଳା ରଖିବା ପାଇଁ କରିଥିଲେ ତାଗିଦ । ସେପଟେ ବରିଷ୍ଠ ନେତାଙ୍କ ଅଭିଯୋଗ, ଠିକ ସେ ଦିଆଯାଉନି ନବୀନଙ୍କ ସ୍ୱାସ୍ଥ୍ୟ ଅବସ୍ଥାର ଅପଡେଟ୍‌ । ସୁଜାତା କାର୍ତ୍ତିକେୟନଙ୍କୁ ପ୍ରଶ୍ନ କରି ଅସନ୍ତୋଷ ଜାହିର କଲେ ରାଜା ସ୍ୱାଇଁ । ବରିଷ୍ଠ ନେତାଙ୍କୁ ପାଣ୍ଡିଆନଙ୍କ ଏଭଳି ତାଗିଦ ଓ ସସପେଣ୍ଡ ଧମକ ପରେ ବିଜେଡିରେ ବଡ଼ ହଲଚଲ ଦେଖିବାକୁ ମିଳିଛି ।