ଗୋଟିଏ ପଟେ ଖଣି ମାଫିଆ ରାଜା ଚକ୍ରକୁ ନେଇ ସାରା ରାଜ୍ୟରେ ଚର୍ଚ୍ଚା ଚାଲିଥିବା ବେଳେ ଏବେ ନୟାଗଡ଼ର ଜଣେ ପଥର ଖଣି ମାଫିଆକୁ ଗିରିଫ କରିଛି ପୋଲିସ । ରାଜା ବିଜେଡି ନେତା ବବି ପାଣ୍ଡିଆନଙ୍କ ଖାସ୍‌ କୁହାଯାଉଥିବା ବେଳେ ନୟାଗଡ଼ରୁ ଗିରଫ ହୋଇଥିବା ଖଣି ମାଫିଆ ବିଧାୟକ ତଥା ପୂର୍ବତନ ମନ୍ତ୍ରୀ ଅରୁଣ ସାହୁଙ୍କ ଅତି ନିକଟତର ବୋଲି କୁହାଯାଉଛି ।

ଦଶପଲ୍ଲାରେ ବେଆଇନ ପଥର ଖଣି ଓ କ୍ରସର ଉପରେ ପୋଲିସ ଚଢ଼ାଉ । ବିଜେଡି ବିଧାୟକ ଅରୁଣ ସାହୁଙ୍କ ଖାସ୍ ପାୱାର୍ ଫୁଲ୍ ଖଣି ମାଫିଆ ଲଲିପ ଜେନା ଗିରଫ।

ନୟାଗଡ଼ ଦଶପଲ୍ଲା ଥାନା ପଙ୍କାଳ ସାହି ଏବଂ ପୋଇବାଡି ପାହାଡ଼ରେ ବର୍ଷ ବର୍ଷ ଧରି ବେଆଇନ୍ ପଥର ଖଣି ଓ କ୍ରସର୍ ଚାଲୁଥିଲା । ବାରମ୍ବାର ଅଭଯୋଗ ପରେ ଦଶପଲ୍ଲା ପୋଲିସ ବେଆଇନ୍ କ୍ରସର ଏବଂ ପଥର ଖଣି ଉପରେ ଚଢାଉ କରି ଖଣି ମାଫିଆ ଲଲିପ୍ ଜେନାକୁ ଗିରଫ କରିଛି ପୋଲିସ୍ । ଏଥିସହ ପଥର ବ୍ଲାଷ୍ଟିଂ ପାଇଁ ବ୍ୟବହୃତ କମ୍ପ୍ରେସର୍ ଜବତ କରି ବେଆଇନ୍ କ୍ରସର ଏବଂ ବେଆଇନ୍ ପଥର ଖଣିକୁ ସିଲ୍ କରିଛି ।

ଗିରଫ ଲଲିପ୍ ଜେନା ନୟାଗଡ଼ ବିଧାୟକ ଅରୁଣ ସାହୁଙ୍କ ପାଖ ଲୋକ । ଯାହାର ଏକ ଫଟୋ ସୋସିଆଲ୍ ମିଡ଼ିଆରେ ଭାଇରାଲ୍ ହେଉଛି। ଅରୁଣ ସାହୁଙ୍କ ଛତ୍ରଛାୟା ତଳେ ରହି ଦୀର୍ଘ ବର୍ଷ ଧରି ଦଶପଲ୍ଲା ଅଞ୍ଚଳରେ ପତିଆରା ଜାହିର କରିଥିଲା ଲଲିପ୍ । ଏବେ ବିଜେପି ସରକାର ଖଣି ମାଫିଆଙ୍କ ଉପରେ କଡ଼ା କାର୍ଯ୍ୟାନୁଷ୍ଠାନ ନିର୍ଦ୍ଦେଶ ପରେ ଲଲିପଙ୍କୁ ଦଶପଲ୍ଲା ଥାନା ପୋଲିସ ଭୁବନେଶ୍ୱରରୁ ଗିରଫ କରି କୋର୍ଟ ଚାଲାଣ କରିଛି । କୋର୍ଟରେ ଜାମିନ ନାମଞ୍ଜୁର ପରେ ଲଲିପଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି ।