ଶୈଶବ ଶିକ୍ଷା ହେବ ସ୍ମରଣୀୟ। ପିଲାମାନଙ୍କୁ ମିଳିବ ସର୍ବୋତ୍ତମ ଏବଂ ଗୁଣାତ୍ମକ ଶିକ୍ଷା। ଏଥିପାଇଁ ନୂତନ ଶିକ୍ଷା ନୀତି-୨୦୨୦ କାର୍ଯ୍ୟକାରୀ ହେବ। ଆଜିଠୁ NEPର ଖଡିଛୁଆଁ । ଓଡିଆ ପକ୍ଷର ଦ୍ବିତୀୟ ଦିବସରେ ରାଜ୍ୟର ସମସ୍ତ ପ୍ରାଥମିକ ବିଦ୍ୟାଳୟରେ ଆରମ୍ଭ ହେବ ଶିଶୁ ବାଟିକା । ଛୋଟ ପିଲାଙ୍କ ହେବ ସ୍କୁଲ ପ୍ରବେଶ, ଖଡିଛୁଆଁ ଉତ୍ସବ । ଭୁବନେଶ୍ବର ସ୍ଥିତ ବଡ଼ଗଡ଼ ସରକାରୀ ଉଚ୍ଚ ବିଦ୍ୟାଳୟରୁ କାର୍ଯ୍ୟକ୍ରମର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଭିଡିଓ ବାର୍ତ୍ତା ମାଧ୍ୟମରେ କୁନି କୁନି ପିଲାମାନଙ୍କୁ କାର୍ଯ୍ୟକମରେ ସାମଲି ହେବା ପାଇଁ ଆହ୍ବାନ ଦେଇଛନ୍ତି ମୁଖ୍ୟମନ୍ତ୍ରୀ । ଏହି କାର୍ଯ୍ୟକ୍ରମରେ ସମସ୍ତେ ସାମିଲ ହେବା ସହ ପିଲାମାନଙ୍କ ଉଜ୍ଜ୍ୱଳ ଭବିଷ୍ୟତ ଗଢ଼ିବା ବୋଲି କହିଛନ୍ତି ମୁଖ୍ୟମନ୍ତ୍ରୀ ।

ଭୁବନେଶ୍ବରରେ ପ୍ରବେଶ ଉତ୍ସବ ଓ ଖଡ଼ି ଛୁଆଁ ପାଇଁ ବଡ଼ଗଡ଼ ସ୍କୁଲରେ ଶେଷ ପର୍ଯ୍ୟାୟରେ ପ୍ରସ୍ତୁତି। ମୁଖ୍ୟମନ୍ତ୍ରୀ ଆଜି ପିଲାଙ୍କୁ କରିବେ ଖଡ଼ି ଛୁଆଁ। ରାଜ୍ୟରେ ଆଜିଠୁ ଆରମ୍ଭ ନୂତନ ଜାତୀୟ ଶିକ୍ଷା ନୀତିରେ ପିଲା ପଢିବେ ଶିଶୁ ବାଟିକା। ଅଭିଭାବକ ଓ ପିଲାଙ୍କ ମନରେ ଉତ୍ସାହ ଦେଖିବାକୁ ମିଳିବ । ନୂଆ ପାଠ ପଢା ଢାଞ୍ଚା ସହ ମୁଖ୍ୟମନ୍ତ୍ରୀ ଓ ଗଣ ଶିକ୍ଷା ମନ୍ତ୍ରୀଙ୍କ ଉପସ୍ଥିତିରେ ଆରମ୍ଭ ହେବ ଖଡ଼ି ଛୁଆଁ ।