୨୦୨୫ ଫେବ୍ରୁଆରୀ ୧୬ । ଭୁବନେଶ୍ଵରସ୍ଥିତ କିଟ୍ ବିଶ୍ଵବିଦ୍ୟାଳୟରେ ବି.ଟେକ୍‌ ତୃତୀୟ ବର୍ଷର ଜଣେ ଛାତ୍ରୀଙ୍କ ମୃତଦେହ ମିଳିଲା । ମୃତ ଛାତ୍ରୀ ହେଲେ ନେପାଳର ପ୍ରକ୍ରିତି ଲାମସାଲ । କିଟ୍ ହଷ୍ଟେଲରୁ ଛାତ୍ରୀଙ୍କ ମୃତଦେହ ମିଳିଥିବା ବେଳେ କର୍ତ୍ତୃପକ୍ଷ କହିଥିଲେ ଆତ୍ମହତ୍ୟା । ଆଉ ଏହା ପରେ କ୍ୟାମ୍ପସରେ ଆରମ୍ଭ ହୋଇଥିଲା ଉତ୍ତେଜନା, ସୃଷ୍ଟି ହୋଇଥିଲା ଅରାଜକତା । ଫେବ୍ରୁଆରୀ ୧୮ରେ ଅଭିଯୋଗ, କ୍ୟାମ୍ପସରେ ଥିବା ପଡ଼ୋଶୀ ଦେଶର ସମସ୍ତ ଛାତ୍ରଛାତ୍ରୀଙ୍କ ସହ ଦୁର୍ବ୍ୟବହାର କରାଯାଇଛି ।

ଛାତ୍ରୀ ମୃତ୍ୟୁକୁ ନେଇ ସମସ୍ତେ କିଟ୍‌କୁ କଡ଼ା ଭର୍ତ୍ସନା କରୁଛନ୍ତି । କାହିଁକି କିଟ୍‌ ସମସ୍ତ ନେପାଳୀ ଛାତ୍ରଛାତ୍ରୀଙ୍କୁ ହଷ୍ଟେଲରୁ ବସ୍ ଯୋଗେ କଟକ ଷ୍ଟେସନ ପଠାଇଥିଲା । କ୍ୟାମ୍ପସରେ ବଳପ୍ରୟୋଗ ସହ ଧମକ ଦେବାକୁ କିଏ ଦେଲା ସାହାସ ? ଛାତ୍ରୀ ମୃତ୍ୟୁ ମାମଲାରେ ପୋଲିସ ଯୁବତୀଙ୍କ ଜଣେ ପୁରୁଷ ବନ୍ଧୁଙ୍କୁ ଗିରଫ କରିଛି । କୁହାଯାଉଛି ଗିରଫ ଯୁବକ କିଟ୍‌ର ଛାତ୍ର ସେ ପ୍ରକ୍ରିତିଙ୍କୁ ବ୍ଲାକମେଲ୍ କରୁଥିଲେ । ଆଉ ଯାହା ଫଳରେ ପ୍ରକ୍ରିତି ନିଜ ଜୀବନକୁ ଶେଷ କରି ଦେଲେ ।

୧) କିଟ୍‌ରେ ଛାତ୍ରୀଙ୍କ ଆତ୍ମହତ୍ୟା

ନେପାଳର ପ୍ରକ୍ରିତି ଲାମସାଲ ବି.ଟେକ୍ ତୃତୀୟ ବର୍ଷର ଛାତ୍ରୀ । କିଟର ହଷ୍ଟେଲରୁ ତାଙ୍କ ମୃତଦେହ ଫେବ୍ରୁଆରୀ ୧୬ ତାରିଖରେ ମିଳିଥିଲା । ଆଉ ପ୍ରାରମ୍ଭିକ ତଦନ୍ତରୁ ଜଣାପଡ଼ିଥିଲା ପ୍ରକ୍ରିତି ତାଙ୍କ ପୁରୁଷ ବନ୍ଧୁଙ୍କ ସହ ସମ୍ପର୍କକୁ ନେଇ ଜୀବନ ହାରିଛନ୍ତି । ପ୍ରକ୍ରିତିଙ୍କ ମୃତ୍ୟୁ ପରେ ବିଶ୍ଵବିଦ୍ୟାଳୟ କ୍ୟାମ୍ପସରେ ବିଶେଷ କରି ନେପାଳୀ ଛାତ୍ରଛାତ୍ରୀ ରାସ୍ତାକୁ ଓହ୍ଲାଇଥିଲେ । ଯୁବକଙ୍କ ଗିରଫ ଦାବି କରିଥିଲେ । ଏହା ପରେ ନେପାଳ ଦୂତାବାସ ମଧ୍ୟ କିଟ୍ ସହ ଓଡ଼ିଶା ସରକାରଙ୍କ ଯୋଗାଯୋଗରେ ଅଛି ।

#WATCH | Odisha: A https://t.co/jHgpcuG1h1 third-year girl student from Nepal was found dead in KIIT University (Kalinga Institute of Industrial Technology) hostel in Bhubaneswar on 16th February. As per a notice issued by the University, the institute is hence closed sine die… pic.twitter.com/vVfgY140up
— ANI (@ANI) February 17, 2025

କିଟ୍‌ କ୍ୟାମ୍ପସରେ ଉତ୍ତେଜନା ପରେ କର୍ତ୍ତୃପକ୍ଷ ପ୍ରାୟ ହଜାରେ ନେପାଳୀ ଛାତ୍ରଛାତ୍ରୀଙ୍କୁ କ୍ୟାମ୍ପସ ଛାଡ଼ିବାକୁ କହିଥିଲେ । ଏପରିକି କୌଣସି ପୂର୍ବ ପ୍ରସ୍ତୁତି ନ କରି ଛାତ୍ରଛାତ୍ରୀଙ୍କୁ ବସ୍ ଯୋଗେ କଟକ ଷ୍ଟେସନରେ ଜୋର ଜବରଦସ୍ତି ଛାଡ଼ି ଦେଇଥିଲେ । ପରେ କର୍ତ୍ତୃପକ୍ଷ କ୍ୟାମ୍ପସକୁ ଫେରି ଆସିବକୁ ନିବେଦନ ମଧ୍ୟ କରିଛନ୍ତି ।

୨) ନେପାଳ ପ୍ରଧାନମନ୍ତ୍ରୀଙ୍କ ମନ୍ତବ୍ୟ

Our Embassy in New Delhi has dispatched two officers to counsel Nepali students affected in Odisha.

Additionally, arrangements have been made to ensure they have the option to either remain in their hostel or return home, based on their preference. #Nepal #Odisha
— K P Sharma Oli (@kpsharmaoli) February 17, 2025

ଛାତ୍ରୀଙ୍କ ମୃତ୍ୟୁର ଠିକ୍ ପର ଦିନ ଫେବ୍ରୁଆରୀ ୧୭ରେ ନେପାଳ ପ୍ରଧାନମନ୍ତ୍ରୀ ପ୍ରତିକ୍ରିୟା ରଖିଥିଲେ । କହିଥିଲେ, ନୂଆଦିଲ୍ଲୀସ୍ଥିତ ନେପାଳ ଦୂତାବାସର ୨ ଅଧିକାରୀଙ୍କୁ କିଟ୍ ବିଶ୍ଵବିଦ୍ୟାଳୟ ଯିବାକୁ କୁହା ଯାଇଛି । ସେଠାରେ ସେମାନେ ବାଧ୍ୟବାଧ୍ୟକତାରେ କ୍ୟାମ୍ପସ ଛାଡ଼ୁଥିବା ନେପାଳୀ ଛାତ୍ରଛାତ୍ରୀଙ୍କୁ ସହାୟତା କରିବେ । ଏନେଇ ନେପାଳ ପ୍ରଧାନମନ୍ତ୍ରୀ କେପି ଶର୍ମା ଓଲି ଟ୍ଵିଟ୍ କରିଥିଲେ ।

୩) କାଠମାଣ୍ଡୁ ସ୍ଥିତ ଭାରତୀୟ ଦୂତାବାସର ମନ୍ତବ୍ୟ

Press Release regarding Odisha incident pic.twitter.com/CuN0li7e55
— Nepal Embassy, India (@EONIndia) February 17, 2025

ଓଡ଼ିଶାରେ କିଟ୍‌ର କାରନାମା ନେଇ କାଠମାଣ୍ଡୁ ସ୍ଥିତ ଭାରତୀୟ ଦୂତାବାସ ମତ ରଖିଛି । ଭାରତ ପକ୍ଷରୁ କୁହାଯାଇଛି, ଆମେ ନେପାଳ ଦୂତାବାସ ସହ ସମ୍ପର୍କରେ ଅଛୁ । ପ୍ରକ୍ରିତିଙ୍କ ମୃତ୍ୟୁରେ ପରିବାରକୁ ସମବେଦନା ଜଣାଉଛୁ । ମୃତ୍ୟୁର ନିରପେକ୍ଷ ତଦନ୍ତ କରାଯାଉଛି । କିଟ୍ ସହ ରାଜ୍ୟ ସରକାରଙ୍କ ସମ୍ପର୍କରେ ରହିଛୁ । ଏଥିସହ ବିଶ୍ଵବିଦ୍ୟାଳୟରେ ସମସ୍ତ ନେପାଳୀ ଛାତ୍ରଛାତ୍ରୀଙ୍କ ସୁରକ୍ଷା ସୁନିଶ୍ଚିତ କରିବା ଲାଗି କିଟ୍ କର୍ତ୍ତୃପକ୍ଷଙ୍କୁ ପଦକ୍ଷେପ ନେବାକୁ କୁହା ଯାଇଥିଲା ।

୪) ଆତ୍ମହତ୍ୟା ପଛରେ କିଏ ?

ପ୍ରକ୍ରିତିଙ୍କ ମୃତ୍ୟୁ ମାମଲାରେ ପୋଲିସ ୨୧ ବର୍ଷୀୟ ଆଦଭିକ୍ ଶ୍ରୀବାସ୍ତବଙ୍କୁ ଗିରଫ କରିଛି । ଗିରଫ ଜଣଙ୍କ ଲକ୍ଷ୍ନୌର ବାସିନ୍ଦା । ଆଦଭିକ୍‌ଙ୍କୁ ପୋଲିସ ବିଏନଏସର ୧୦୮ ଧାରାରେ ଗିରଫ କରିଛି । ମାମଲାର ତଦନ୍ତ ଚାଲିଥିବା କହିଛନ୍ତି ଭୁବନେଶ୍ଵର ଡିସିପି ପିନାକ ମିଶ୍ର ।

୫) ନ୍ୟାୟ ପାଇଁ କିଟ୍‌ରେ ବିକ୍ଷୋଭ

#BREAKING: Nepali students protest outside the Indian Embassy in Kathmandu after mistreatment faced by students at KIIT University in Odisha, India. Prakriti Lamsal, a third-year B Tech student from Nepal, died by suicide at the University after facing molestation by a student. pic.twitter.com/iIfx78RaW5
— Aditya Raj Kaul (@AdityaRajKaul) February 17, 2025

କିଟ୍ କ୍ୟାମ୍ପସରେ ଛାତ୍ରୀଙ୍କ ମୃତ୍ୟୁ ପରେ ନ୍ୟାୟ ଦାବିରେ ବିଶ୍ଵବିଦ୍ୟାଳୟ ଛାତ୍ରଛାତ୍ରୀ ବିକ୍ଷୋଭ କରିଥିଲେ । ପ୍ରକ୍ରିତିଙ୍କୁ ନ୍ୟାୟ ଦାବିରେ ଛାତ୍ରଛାତ୍ରୀଙ୍କ ବିକ୍ଷୋଭ, ଆକ୍ରୋଶରେ ପରିଣତ ହୋଇଥିଲା । କିଟ୍ କର୍ତ୍ତୃପକ୍ଷ ସ୍ଥିତିକୁ ସମ୍ଭାଳିବାକୁ ଉଦ୍ୟମ କରିବା ପରେ ଉତ୍ତର ମାଗିଥିଲେ ଛାତ୍ରଛାତ୍ରୀ । ଆଉ ନ୍ୟାୟ ପାଇଁ ବିକ୍ଷୋଭ ଭିତରେ ନେପାଳୀ ଛାତ୍ରଛାତ୍ରୀଙ୍କୁ ହଷ୍ଟେଲ୍ ଛାଡ଼ି ଚାଲିଯିବାକୁ କର୍ତ୍ତୃପକ୍ଷ ବାଧ୍ୟ କରିଥିବା କହିଛନ୍ତି ନେପାଳର ଛାତ୍ର ରଞ୍ଜନ ଗୁପ୍ତା । ଏପରିକି ତାଙ୍କ ପାଖରେ ଟ୍ରେନ୍ ଟିକେଟ୍ କିମ୍ବା ଟଙ୍କା ନଥିବା ବେଳେ କେମିତି ଯିବେ ବୋଲି ପଚାରିଛନ୍ତି ।

୬) କ୍ଷମା ମାଗିଲା କିଟ୍‌

Letter of Apology from the Vice-Chancellor, KIIT-DU

KIIT has always been a home to students from across the world, fostering a culture of inclusivity, respect, and care. We deeply regret the recent incident and reaffirm our commitment to the safety, dignity, and well-being of… pic.twitter.com/mJb1Zo9jGj
— KIIT - Kalinga Institute of Industrial Technology (@KIITUniversity) February 18, 2025

ପ୍ରାୟ ୪୦ ଘଣ୍ଟାରୁ ଊର୍ଦ୍ଧ୍ଵ ସମୟ ଧରି ଏତେ ସବୁ ଘଟଣା ଘଟିବା ପରେ କିଟ୍ କର୍ତ୍ତୃପକ୍ଷ ଫେବ୍ରୁଆରୀ ୧୮ ତାରିଖ ଦିନ ସାଢ଼େ ୧୨ଟାରେ ଏକ କ୍ଷମା ପ୍ରାର୍ଥନା ଚିଠି ଜାରି କରିଛନ୍ତି । ଯେଉଁଥିରେ କହିଛନ୍ତି, ସିକ୍ୟୁରିଟି ଷ୍ଟାଫ୍ ଓ ଅଧିକାରୀଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ୨ ସୁରକ୍ଷାକର୍ମୀଙ୍କୁ ଚାକିରିରୁ ବରଖାସ୍ତ କରଯାଇଛି । ୨ ବରିଷ୍ଠ ହଷ୍ଟେଲ୍ ଅଧିକାରୀ ଓ ଜଣେ ବରିଷ୍ଠ ପ୍ରଶାସନିକ ଅଧିକାରୀଙ୍କୁ ନିଲମ୍ବିତ କରି ତଦନ୍ତ କରୁଛୁ ।

Argus News | argus news | Odisha Latest News, Breaking News, Trending News, Live TV