ନେପାଳି ଛାତ୍ରୀଙ୍କ ଯୌନ ଶୋଷଣ ଅଭିଯୋଗକୁ ଅଣଦେଖା କରିଥିଲା କିଟ । କିଟ୍ କର୍ତ୍ତୃପକ୍ଷଙ୍କ ଅବହେଳା ପାଇଁ ଜୀବନ ହାରିଥିଲେ ନେପାଳି ଛାତ୍ରୀ । ବିଧାନସଭାରୁ ଆସିଛି ଏଭଳି କିଛି ସାଂଘାତିକ ତଥ୍ୟ । ଉଚ୍ଚ ଶିକ୍ଷା ମନ୍ତ୍ରୀ ସୂର୍ଯ୍ୟ ବଂଶୀ ସୁରଜ ରଖିଥିବା ଉତ୍ତର କହୁଛି ଫେବୃଆରୀ ୧୭ ରେ ଜୀବନ ହାରିଥିବା କିଟ୍ ରେ ପଢୁଥିବା ନେପାଳି ଛାତ୍ରୀ ୧୧ ମାସ ପୂର୍ବରୁ ଯୌନ ଶୋଷଣର ଶିକାର ହୋଇଥିଲେ । ଏ ନେଇ ମାର୍ଚ୍ଚ ୧୨, ୨୦୨୪ ରେ ବିଶ୍ୱ ବିଦ୍ୟାଳୟ କର୍ତ୍ତୃପକ୍ଷ ଙ୍କୁ ମଧ୍ୟ ଜଣାଇଥିଲେ । ୟୁଜିସି ଗାଇଡ଼ ଲାଇନ ଅନୁଯାୟୀ କୀଟ ବିଶ୍ୱ ବିଦ୍ୟାଳୟ ଇଣ୍ଟରନାଲ କମିଟି ଗଠନ କରିଥିଲା । ବିଧାୟକ ଦାଶରଥି ଗମାଙ୍ଗୋଙ୍କ ପ୍ରଶ୍ନରେ ଆସିଥିବା ଏହି ଉତ୍ତର କିଟ କର୍ତ୍ତୃପକ୍ଷଙ୍କ ପଦକ୍ଷେପ ଉପରେ ପ୍ରଶ୍ନବାଚୀ ସୃଷ୍ଟି କରିଛି । ଏହି ତଥ୍ୟ ସାମ୍ନାକୁ ଆସିବ ପରେ ତଦନ୍ତ ସହ କାର୍ଯ୍ୟନୁଷ୍ଠାନ ଦାବୀ କରିଛନ୍ତି ବିରୋଧୀ।

ଏଠି ପ୍ରଶ୍ନ ଉଠୁଛି ୧୧ ମାସ ଭିତରେ କଣ ପୀଡ଼ିତାଙ୍କୁ ନ୍ୟାୟ ଦେଇ ପାରିଲାନି କିଟ କର୍ତ୍ତପକ୍ଷ । ଯେଉଁଥି ପାଇଁ ଆତ୍ମହତ୍ୟା ଏଭଳି ଚରମ ନିଷ୍ପତ୍ତି ନେଇଥିଲେ । ପୀଡିତାଙ୍କୁ ନ୍ୟାୟ ଦେବାକୁ କଣ ପଦକ୍ଷେପ ନେଇଥିଲେ କିଟ କର୍ତ୍ତ୍ତୃପକ୍ଷ । କେତେ ଥର ପୀଡିତାଙ୍କୁ କରାଯାଇଥିଲା କାଉନସେଲିଂ । ଏ ବାବଦରେ ପୀଡିତାଙ୍କ ପରିବାରକୁ ଅବଗତ କରାଇଥିଲେ ତ କର୍ତ୍ତ୍ତୃପକ୍ଷ । କର୍ତ୍ତ୍ତୃପକ୍ଷ ନ୍ୟାୟ ଦେବାରୁ ବିଳମ୍ବ କରିବାରୁ କିମ୍ବା ନଦେଇ ପାରିବାରୁ ଜୀବନ ହାରିଲେ କି ନେପାଳୀ ଛାତ୍ରୀ । ଯାହାକୁ ନେଇ ଉଚ୍ଚ ଶିକ୍ଷା ମନ୍ତ୍ରୀ କହିଛନ୍ତି ଉଚ୍ଚ ଏ ବିଷୟ ବି ଉଚ୍ଚ ସ୍ତରୀୟ କମିଟିର ତଦନ୍ତ ପରିସର ଅଛି । ଏହା ସହ ଫେରିଥିବା ନେପାଳୀ ଛାତ୍ରୀଙ୍କର ମଧ୍ୟ ବୟାନ ରେକର୍ଡ ପରେ ରିପୋର୍ଟ ଦାଖଲ କରିବ ଉଚ୍ଚ ସ୍ତରୀୟ କମିଟି ।

ବିଧାନସଭାରେ ଆଉ ଏକ ପ୍ରଶ୍ନର ଉତ୍ତର ରଖି ଉଚ୍ଚ ଶିକ୍ଷା ମନ୍ତ୍ରୀ କହିଛନ୍ତି କୀଟ ଘଟଣାରେ ତିନୋଟି ଘଟଣାରେ ୧୯ ଜଣଙ୍କ ସାକ୍ଷ ଗ୍ରହଣ କରିଛି ରାଜ୍ୟ ସରକାରଙ୍କ ଉଚ୍ଚ ସ୍ତରୀୟ କମିଟି । ଫେବୃଆରୀ ୨୧ ତାରିଖରେ ୮ ଜଣ, ୨୭ ତାରିଖରେ ୬ ଜଣ ଓ ମାର୍ଚ୍ଚ ୬ ରେ ୫ ଜଣଙ୍କ ସାକ୍ଷ ଗ୍ରହଣ କରିଛି ଉଚ୍ଚ ସ୍ତରୀୟ କମିଟି । ଏବେ ଉଚ୍ଚ ସ୍ଥରୀୟ କମିଟି କେବେ ରିପୋର୍ଟ ଦେଉଛି ଆଉ କଣ ରିପୋର୍ଟ ଦଉଛି ତା ଉପରେ ନଜର।

Argus News | argus news | -Argusnews Home: Odisha Latest News, Breaking News, Trending News, Live TV and more