ବଳଙ୍ଗା ପୀଡ଼ିତାଙ୍କ ଘଟଣାରେ ନୂଆ ଖୁଲାସା

ବଳଙ୍ଗା ପୀଡ଼ିତାଙ୍କ ଘଟଣାରେ ନୂଆ ଖୁଲାସା । ଘଟଣାସ୍ଥଳରୁ ମିଳିଥିବା ରୂପା ମୁଦିକୁ ଚିହ୍ନିଲେ ମୁଦି ବିକ୍ରି କରିଥିବା ଗହଣା ଦୋକାନୀ । ଗତକାଲି ଠାରୁ ଗହଣା ଦୋକାନୀଙ୍କୁ ଅଟକ ରଖି ଆଜି ଦିନ 10ଟା ରେ ଛାଡ଼ିଲା ପୁଲିସ । କ୍ରାଇବ୍ରାଞ୍ଚ୍ ଟିମ୍ ଓ ପୁଲିସର ପଚରାଉଚରା ବେଳେ ଘଟଣାସ୍ଥଳରୁ ମିଳିଥିବା ମୁଦି ଅଢେଇ ମାସ ପୂର୍ବରୁ ପୀଡ଼ିତାଙ୍କ ଜଣେ ସାଙ୍ଗ ଏହି ମୁଦିକୁ ତାଙ୍କ ଦୋକାନରୁ କିଣିଥିବା ନେଇ ସୂଚନା ଦେଇଥିଲେ । ସେ ମୁଦି ପୀଡ଼ିତାଙ୍କ ନିକଟକୁ କେମିତି ଗଲା ଏହା ଏବେ ପ୍ରଶ୍ନବାଚୀ ହୋଇଥିବା ବେଳେ ଦିଲ୍ଲୀ ଏମ୍ସରେ କ୍ରାଇମବ୍ରାଞ୍ଚ୍ ପୀଡ଼ିତାଙ୍କ ବୟାନ ରେକର୍ଡ କରିଛି । ପୁନଃ ଆଜି ମାଜିଷ୍ଟ୍ରେଟ୍ ଙ୍କ ଉପସ୍ଥିତିରେ କ୍ରାଇମ୍ ବ୍ରାଞ୍ଚ ଟିମ୍ ବୟାନ ରେକର୍ଡ କରିବ ବୋଲି ସୂଚନା ମିଳିଛି ।

ଅନ୍ୟ ପକ୍ଷରେ ଆଜି ସପ୍ତମ ଦିନରେ ତଦନ୍ତକାରୀ ଅଧିକାରୀ ମାନେ ପୀଡ଼ିତାଙ୍କ ପରିବାର ଓ ପ୍ରତ୍ୟକ୍ଷଦର୍ଶୀ ଦୁଃଖିଷ୍ୟାମ ସେନାପତିଙ୍କୁ ଥାନାକୁ ଡ଼ାକି ପଚରା ଉଚରା କରିଛି । ସମ୍ପର୍କୀୟ ଲୋକଙ୍କ କହିବା ଅନୁଯାୟୀ ପୀଡ଼ିତା ପୂର୍ବ ଅପେକ୍ଷା ସୁସ୍ଥ ହେଉଛନ୍ତି ସେ ବୟାନ ଦେବା ଅବସ୍ଥାରେ ନାହାନ୍ତି । ଦିନ ପରେ ଦିନ ବିତୁଛି ହେଲେ ପୁଲିସ ହାତ ଖାଲି କୁ ନେଇ ସାଧାରଣ ଲୋକଙ୍କ ମନରେ ଅନେକ ପ୍ରଶ୍ନ ସୃଷ୍ଟି ହେଉଛି।