ରାସ୍ତା ନଥିବାରୁ ଗାଁକୁ ପହଁଚି ପାରିନି ବିକାଶ
Key Points
ରାସ୍ତା ଦେଉଛି ଯମ ଯନ୍ତ୍ରଣା
ବର୍ଷ ବର୍ଷ ପରେ ମଧ୍ୟ ବହୁ ଦୂରରେ ବିକାଶ
କାଦୁଅ ରାସ୍ତାରେ ଜୀବନ କଲବଲ
ଜୀବନକୁ ବାଜି ଲଗାଇ ଯାତାୟାତ କରୁଛନ୍ତି ଲୋକେ । ଭଦ୍ରକ ଜିଲ୍ଲା ବାସୁଦେବପୁର ବ୍ଲକ କୃଷ୍ଣପୁର ପଞ୍ଚାୟତ ବୋହୁମାଘେରୀ ଗାଁରେ ରାସ୍ତା ସାରା କାଦୁଅ ପଚ ପଚ । ଯାନବାହାନ ତ ଦୂରର କଥା ଚାଲି ଚାଲି ଯିବା ମଧ୍ୟ କଷ୍ଟସାଧ୍ୟ ହୋଇଛି । ରାସ୍ତା ନଥିବାରୁ ଗାଁକୁ ପହଁଚି ପାରିନି ବିକାଶ । ନିର୍ବାଚନ ସମୟରେ ବିଭିନ୍ନ ରାଜନୈତିକ ଦଳର ନେତାମାନେ ଆସି ସମସ୍ୟାର ସମାଧାନ ପାଇଁ ପ୍ରତିଶୃତି ଦେଇଥାନ୍ତି । କିନ୍ତୁ ନିର୍ବାଚନ ପରେ ସବୁ ପାସୋରି ଯାଇଥାଆନ୍ତି ବୋଲି ଅଭିଯୋଗ କରିଛନ୍ତି ଗାଁ ଲୋକେ l
ବୋହୁମାଘେରୀରୁ ଆଡିଆ ଗ୍ରାମ୍ୟ ଉନ୍ନୟନ ମୁଖ୍ୟରାସ୍ତାକୁ ସଂଯୋଗ କରୁଥିବା ଏହି ରାସ୍ତାଟି ପାଖାପାଖି ଦେଢ଼ କିଲୋମିଟର ହେବ । କାଦୁଅ ରାସ୍ତା ଉପରେ ଆଖପାଖ ୧୦ରୁ ଅଧିକ ଗାଁର ୫ହଜାରରୁ ଅଧିକ ଲୋକ ନିର୍ଭର କରିଥାନ୍ତି । ସ୍ଥାନୀୟ ବାସିନ୍ଦାଙ୍କୁ ପ୍ରତିଦିନ ଛୋଟବଡ଼ ଅଘଟଣର ସାମନା କରିବାକୁ ପଡୁଥିବା ଅଭିଯୋଗ ହୋଇଛି । ସେପଟେ ସମସ୍ୟାର ସମାଧାନ ପ୍ରତିଶ୍ରୁତି ଦେଇଛନ୍ତି ବାସୁଦେବପୁର ବିଡିଓ । ଲୋକଙ୍କ ଅସୁବିଧାକୁ ଦୃଷ୍ଟିରେ ରଖି ତୁରନ୍ତ ସମସ୍ୟାର ସମାଧାନ କରିବା ଜୁରୁରୀ ହୋଇପଡିଛି ।
