ଖଡ଼ିଆଳ: ବଣ ପାହାଡ଼ ଘେରା ଉପାନ୍ତ ଅଞ୍ଚଳ ରେ ଆଜି ବି ନେଟୱାର୍କ ସାତ ସପନ ପାଲଟିଛି l ଦୁନିଆ 5ଜିରୁ 6ଜି ଆଡ଼କୁ ବଢ଼ୁଛି । ହେଲେ ଟାୱାର ଟିଏ ନ ଥିବା ରୁ ନାହିଁ ନ ଥିବାର ସମ୍ମୁଖୀନ ହେଉଛନ୍ତି ନୂଆପଡ଼ା ଜିଲ୍ଲା ଖଡ଼ିଆଳ ବ୍ଲକର ବଣ ପାହାଡ଼ ଘେରା ଦାବ୍ରି ଅଞ୍ଚଳବାସୀ ।

କିଏ ପାଣି ଟାଙ୍କି ଉପରେ ଆଉ କିଏ ଗଛ ଉପରେ । ପୁଣି କିଏ ପାହାଡ ଉପରେ ଚଢି ମୋବାଇଲ ନେଟୱର୍କ ଖୋଜୁଛନ୍ତି । 5ଜି ଯୁଗରେ ଟାୱାର ଟିଏ ନ ଥିବାରୁ ନାହିଁ ଅସୁବିଧାର ସମ୍ମୁଖୀନ ହେଉଛନ୍ତି ଲୋକେ । ଟାୱାର ନଥିବାରୁ କିଏ ଗଛକୁ ତ କିଏ ଛାତ ଉପରକୁ ପୁଣି କିଏ ପାଣି ଟାଙ୍କି ଏବଂ ପାହାଡ଼ ଉପରେ ଚଢିବାକୁ ବାଧ୍ୟ ହେଉଛନ୍ତି ।

ନେଟୱାର୍କ ସମସ୍ୟା ଯୋଗୁଁ ପୋଷ୍ଟାଲ କାମ ହେଉ କି ସ୍କୁଲ ଅବା ଜନସେବା କେନ୍ଦ୍ରରେ ଅନଲାଇନ କାମ ଠପ ହୋଇ ପଡୁଛି l ବହୁ ବର୍ଷ ଧରି ଟାୱାର ସ୍ଥାପନ ପାଇଁ ଦାବି ହୋଇ ଆସୁଥିଲେ ବି କେହି ଶୁଣିନଥିବା ଅଭିଯୋଗ ହୋଇଛି । ନେଟୱାର୍କ ନ ଥିବାରୁ ଦାବ୍ରୀ ପଞ୍ଚାୟତ କାର୍ଯ୍ୟାଳୟ, ପୋଷ୍ଟ ଅଫିସ, ସ୍କୁଲ,ସାଙ୍ଗକୁ ଅନେକ ଅଫିସରେ ଅନଲାଇନ କାମ ହୋଇ ପାରୁନାହିଁ l

ଜନସେବା କେନ୍ଦ୍ରରେ ଅସୁବିଧାର ସମ୍ମୁଖୀନ ହେଉଛନ୍ତି ଲୋକେ । ଆମ୍ବୁଲାନ୍ସ, ଦମକଳ ଭଲି ଜରୁରୀକାଳୀନ ସେବା ପାଇଁ ଫୋନ କଲେ ନେଟୱାର୍କ ଆସୁନାହିଁ l ଦାବ୍ରି ପଞ୍ଚାୟତ ସମେତ ଆଖ ପାଖ ଅଞ୍ଚଳରେ ମଧ୍ୟ ନେଟୱାର୍କ ସେବା ଫେଲ ମାରିଛି । ପ୍ରଶାସନ ଏ ଦିଗରେ ଦୃଷ୍ଟି ଦେଇ ଟାୱାର ସ୍ଥାପନ କରିବା ଜରୁରୀ ହୋଇ ପଡିଛି ।