ଅର୍ଗସ ବ୍ୟୁରୋ: ଗିରଫ ହେଲେ କୁବେର ବାବୁ । ଭିଜିଲାନ୍ସ ପଞ୍ଝାରେ ପଡ଼ିଥିବା ବରିଷ୍ଠ ଇଞ୍ଜିନିୟର OBCC ଅତିରିକ୍ତ ମୁଖ୍ୟଯନ୍ତ୍ରୀ ପ୍ରଦୀପ ରଥ ଗିରଫ ହୋଇଛନ୍ତି । ଗତକାଲି ଭୁବନେଶ୍ବର, କଟକ, ଭଦ୍ରକ, ଯାଜପୁର ଓ ଖୋର୍ଦ୍ଧା କୁବେର ବାବୁଙ୍କର 13 ଠିକଣାରେ ଭିଜିଲାନ୍ସ ରେଡ୍ କରିଥିଲା, ସାମ୍ନାକୁ ଆସିଲା ଆଖି ଖୋସି ହୋଇଯିବା ଭଳି ସମ୍ପତ୍ତି । କେଜିଏ ଓଜନର ସୁନା, ରାଜ୍ୟର ବିଭିନ୍ନ ସ୍ଥାନରେ 45ଟି ପ୍ଲଟ୍, 2ଟି ଫ୍ଲାଟ୍, 88 ଲକ୍ଷ ଟଙ୍କାର ବ୍ୟାଙ୍କ ଡିପୋଜିଟ୍, ଏକାଧିକ କାର୍, ଜେସିବି, କ୍ରସର ୟୁନିଟ୍, ଏସ୍କାଭେଟର ମେସିନ୍ । 

କଟକ, ଯାଜପୁର, କେନ୍ଦ୍ରାପଡ଼ା, ଜଗତସିଂହପୁର ଏହି ଇଞ୍ଜିନିୟରଙ୍କ ଅଧୀନରେ ଥିଲା 4ଟି ଜିଲ୍ଲା । କଟକ ତାଳଦଣ୍ଡା କେନାଲର ସୌନ୍ଦର୍ଯ୍ୟକରଣ। କଟକ ନେତାଜୀ ବସ୍ ଟର୍ମିନାଲ୍ ନିର୍ମାଣ। SCB ମେଡିକାଲ୍ ଷ୍ଟାଫ୍ କ୍ବାର୍ଟର, ହଷ୍ଟେଲ ଓ ପ୍ରଶସ୍ତିକରଣ କାମ ସବୁର ତଦାରଖ ଦାୟିତ୍ବରେ ଥିଲେ OBCC ଅତିରିକ୍ତ ମୁଖ୍ୟଯନ୍ତ୍ରୀ ପ୍ରଦୀପ ରଥ । ଅଭିଯୋଗ ଏ ସବୁ କାମରେ ମୋଟା ଅଙ୍କର ଆୟ କରିଥିଲେ। 8 ମାସ ପରେ ସରିଥାଆନ୍ତା ଚାକିରି କାଳ । ଏଯାଏଁ ତାଙ୍କର 8 କୋଟିରୁ ଅଧିକ ମୂଲ୍ୟର ସମ୍ପତ୍ତି ଠାବ କରିଛି ଭିଜିଲାନ୍ସ ।

ଭିଜିଲାନ୍ସ ଜାଲରେ OBCC ଅତିରିକ୍ତ ମୁଖ୍ୟଯନ୍ତ୍ରୀ ପ୍ରଦୀପ ରଥ