ଭୁବନେଶ୍ୱରର କଳିଙ୍ଗ ଷ୍ଟାଡିୟମରେ ଚାଲିଥିବା ବିଶ୍ୱ ଅଥଲେଟିକ କଂଟିନେଣ୍ଟାଲ ଟୁର ବ୍ରୋଂଜ଼ ପ୍ରତିଯୋଗିତାରେ କମାଲ କରିଛନ୍ତି ଓଡିଆ ଖେଳାଳି । ୧୦୦ ମିଟର ହଡଲସରେ ଭାରତ ପାଇଁ ସଫଳତା ଆଣିଛନ୍ତି ଓଡିଶା ଝିଅ ପ୍ରଜ୍ଞା ପ୍ରଶାନ୍ତି ସାହୁ । ନିଜ ପ୍ରଭାବୀ ପ୍ରଦର୍ଶନରେ କଳିଙ୍ଗ ଷ୍ଟାଡିଅମର ଦର୍ଶକଙ୍କୁ ବିମୋହିତ କରିଛନ୍ତି ପ୍ରଜ୍ଞା। ଏଥିସହ ରାଜ୍ୟ ଓ ଦେଶ ପାଇଁ ଆଣିଛନ୍ତି ଗୌରବ। ପ୍ରଜ୍ଞା ଆରମ୍ଭରୁ ଶେଷ ପର୍ଯ୍ୟନ୍ତ ଆଧିପତ୍ୟ ବିସ୍ତାର କରିଥିଲେ। ୧୩.୭୪ ସେକେଣ୍ଡ ସମୟ ସହ ପ୍ରଥମ ସ୍ଥାନ ଅଧିକାର କରିଥିଲେ ପ୍ରଜ୍ଞା ପ୍ରଶାନ୍ତି ସାହୁ।