ଚିଟଫଣ୍ଡ ପ୍ରସଙ୍ଗରେ ବିଜେଡ଼ିକୁ କଡ଼ା ଟାର୍ଗେଟ କଲା ବିଜେପି । ସାମ୍ବାଦିକ ସମ୍ମିଳନୀ କରି ବିଜେଡ଼ି ଉପରେ ବର୍ଷିଲେ ରାଜ୍ୟ ସଭାପତି ମନମୋହନ ସାମଲ । ବିଗତ ସରକାରରେ ୧୫ ବର୍ଷ ଭିତରେ ୧୭୪ ଚିଟଫଣ୍ଡ କମ୍ପାନୀ ଓଡ଼ିଶାର ସାଧାରଣ ଲୋକଙ୍କ କଷ୍ଟ ଅର୍ଜିତ ଟଙ୍କା ଲୁଟ କରିବାରେ ଲାଗିଥିଲେ । ତତ୍କାଳୀନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଠାରୁ ଆରମ୍ଭ କରି ତାଙ୍କ ମନ୍ତ୍ରୀ, ବିଧାୟକ, ସାଂସଦ ମାନେ ପ୍ରାୟୋଜିତ ଭାବେ ଚିଟଫଣ୍ଡ ମାଧ୍ୟମରେ ଲୋକଙ୍କ ପଇସା ଆତ୍ମସାତ କରୁଥିଲେ । ବିଜେଡ଼ିର ଅନେକ ନେତା, ମନ୍ତ୍ରୀ ଏଥିପାଇଁ ଦଣ୍ଡିତ ହୋଇ ବର୍ଷ ବର୍ଷ ଜେଲ ମଧ୍ୟ ଯାଇଛନ୍ତି । ଆସନ୍ତା ୩ରୁ ୪ମାସ ଭିତରେ ୫ ଲକ୍ଷ ଜମାକାରୀଙ୍କୁ କ୍ଷତିପୂରଣ ଦେବାକୁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ । ଛୋଟ ବଡ଼ ସବୁ ଜମାକାରୀଙ୍କୁ ଟଙ୍କା ଫେରସ୍ତ କରାଯିବ ବୋଲି କହିଛନ୍ତି ବିଜେଡି ସଭାପତି।

ସେପଟେ ବିଜେଡ଼ି କହିଛି, ୨୪ ଘଣ୍ଟା କହିଥିଲେ ୧୩ ମାସ ବିତିଗଲାଣି । ତଥାବି ଚିଟଫଣ୍ଡ ହିତାଧିକାରୀଙ୍କୁ ଟଙ୍କା ଫେରାଇ ପାରିଲେ ନାହିଁ ବିଜେପି ସରକାର ।
ଚିଟଫଣ୍ଡ ଟଙ୍କା ଫେରସ୍ତ ନେଇ କାର୍ଯ୍ୟ ଆରମ୍ଭ ପରେ ନିରାଶ ଜମାକାରୀ ଓ ନିବେଶକାରୀଙ୍କ ପାଖରେ ଫେରିଛି ଆଶା । ଚିଟଫଣ୍ଡ ତଦନ୍ତ କମିଶନ ସରକାରଙ୍କ ନିକଟରେ ୭ଟି ଅନ୍ତରୀଣ ତଦନ୍ତ ରିପୋର୍ଟ ମଧ୍ୟ ଉପସ୍ଥାପନ କରିଥିଲେ । ତେବେ ୫ ଫେବୃଆରୀ ୨୦୨୦ରେ ଶେଷ ହୋଇଥିଲା ତଦନ୍ତ କମିଶନର କାର୍ଯ୍ୟକାଳ । କିନ୍ତୁ ଟଙ୍କା ଫେରସ୍ତ ପାଇଁ ଆଉ ତଦନ୍ତ କମିଶନର କାର୍ଯ୍ୟକାଳ ବୃଦ୍ଧି କରିନଥିଲେ ପୂର୍ବ ସରକାର। ଏପରିକି କ୍ଷତିଗ୍ରସ୍ତଙ୍କୁ ଚିହ୍ନଟ କରିବା ପାଇଁ ତଦନ୍ତ କମିଶନ ବାବଦକୁ ୬ କୋଟି ଟଙ୍କା ଖର୍ଚ୍ଚ ମଧ୍ୟ କରିଥିଲେ ସେତେବେଳର ସରକାର ।