ଭୁବନେଶ୍ୱର: ରାଜ୍ୟର ୨୦୭ ମେଗା ପାନୀୟ ଜଳ ପ୍ରକଳ୍ପରୁ ବର୍ତ୍ତମାନ ସୁଦ୍ଧା ମାତ୍ର ୧୬ଟି ହିଁ ଶେଷ ହୋଇ ପାରିଛି । ୨୦୭ ମେଗା ପାନୀୟ ଜଳ ପ୍ରକଳ୍ପରୁ ୧୬ ଟି ପ୍ରକଳ୍ପ କାର୍ଯ୍ୟ ଶେଷ ହୋଇଥିବାବେଳେ ୧୯୧ ଟି ପ୍ରକଳ୍ପର କାର୍ଯ୍ୟ ଚାଲୁ ରହିଛି । ଏହି ୧୯୧ ଟି ପ୍ରକଳ୍ପ ରୁ ୨୦୨୫ ମାର୍ଚ୍ଚ ସୁଦ୍ଧା ୫୬ଟି ପ୍ରକଳ୍ପର କାର୍ଯ୍ୟ ଶେଷ କରିବାକୁ ସମୟ ଧାର୍ଯ୍ୟ କରାଯାଇଛି ।

ସେହିପରି ଅନ୍ୟ ୫୪ ଟି ପ୍ରକଳ୍ପ ୨୦୨୫ ଡିସେମ୍ବର ମାସ ଶେଷ ସୁଦ୍ଧା ସାରିବାକୁ ଲକ୍ଷ୍ୟ ଧାର୍ଯ୍ୟ କରାଯାଇଛି । ରାଜ୍ୟର ସମସ୍ତ ମେଗା ପାନୀୟ ଜଳ ପ୍ରକଳ୍ପ ୨୦୨୬ ସୁଦ୍ଧା ଶେଷ କରିବାକୁ ସରକାର ଟାର୍ଗେଟ ରଖିଛନ୍ତି । ପୂର୍ବ ବିଜେଡି ସରକାର ସମୟର ଭୂଲ୍ ପାଇଁ ଆଜି ସରକାରଙ୍କଠୁ ନେଇ ସାଧାରଣ ଲୋକ ପାନୀୟ ଜଳ କଷ୍ଟ ଭୋଗୁଛନ୍ତି ।

ପୂର୍ବ ବିଜେଡି ସରକାର କେବଳ ଘରକୁ ପାଇପ ପକେଇ ଦେଇ ବସିଥିଲେ କିନ୍ତୁ ମୂଳ କାର୍ଯ୍ୟ ଯଥା ନିର୍ମାଣ କାର୍ଯ୍ୟ, ଓଭର ହେଡ଼ ଟ୍ୟାଙ୍କ, ଫିଲଟରିଂ ପାଇଁ କୌଣସି ବ୍ୟବସ୍ଥା କରାଯାଇନଥିଲା ।

ପୂର୍ବ ସରକାରର କାର୍ଯ୍ୟକୁ ନେଇ ମନ୍ତ୍ରୀ କହିଛନ୍ତି ମଲେଇ ଖାଇ ପଳେଇଲେ ଠିକାଦାର । ପାନୀୟ ଜଳ ପ୍ରକଳ୍ପ ବିଳମ୍ବ ନେଇ ଗୃହରେ ଆଲୋଚନା ବେଳେ ଏମିତି କହିଲେ ପଂଚାୟତିରାଜ ଏବଂ ପାନୀୟ ଜଳ ମନ୍ତ୍ରୀ । ପୂର୍ବ ସରକାର ପାନୀୟ ଜଳ ଯୋଗାଣ ପାଇଁ ଯେଉଁ ଠିକାଦାରମାନଙ୍କ ସହ ଏଗ୍ରିମେଣ୍ଟ କରିଥିଲେ । ସେଥିରୁ 58 ପ୍ରତିଶତ ଟଙ୍କା ଉଠାଇ ଠିକାଦାର କେବଳ ପାଇପ ବିଛାଇ ପଳେଇଲେ । ଇନଟେକ ୱେଲ ନିର୍ମାଣ ହୋଇନି । ସେଥିପାଇଁ କାମ ବିଳମ୍ବ ହେଉଛି । ବିଭାଗ ବହୁତ ପରିଶ୍ରମ କରୁଛି । ଖୁବଶୀଘ୍ର ପାନୀୟ ଜଳ ପ୍ରକଳ୍ପ କାମ ସରିବ । ବିଧାୟକ ସୌଭିକ ବିଶ୍ୱାଳଙ୍କ ପ୍ରଶ୍ନରେ ଉତ୍ତର ରଖୁ ରଖୁ ଏମିତି କହିଲେ ପଂଚାୟତି ରାଜ ମନ୍ତ୍ରୀ । ଯେଉଁମାନେ ମେଗା ପାନୀୟ ଜଳ ପ୍ରକଳ୍ପ ନେଇଛନ୍ତି ସେମାନେ ଆମ ରାଜ୍ୟର ନୁହଁନ୍ତି ।

Argus News | argus news | Odisha Latest News, Breaking News, Trending News, Live TV