ଜୟପୁର ପୌରପାଳିକା ଡମ୍ପିଂୟାର୍ଡକୁ ନେଇ ତେଜୁଛି ଅସନ୍ତୋଷ । ଜୟପୁର ମକାପୁଟ ବାଳିକା ସେବାଶ୍ରମର ୫୦ ମିଟର ଦୂରରେ ଆବର୍ଜନା ଗଦା ହେଉଛି । ଦୁର୍ଗନ୍ଧରେ ରହିପାରୁ ନାହାନ୍ତି ବାଳିକା ସେବାଶ୍ରମର ଛାତ୍ରୀ । ଏଠାରେ ପାଠ ପଢୁଛନ୍ତି ୨୫୦ ଛାତ୍ରୀ । ସେପଟେ ସହର ସଫେଇ ଦାୟିତ୍ଵ ନେଇଥିବା ସଂସ୍ଥା ଗ୍ରୀନ୍ ଟ୍ରିବ୍ୟୁନାଲଙ୍କ ନିର୍ଦ୍ଦେଶକୁ ମାନୁନଥିବା ଅଭିଯୋଗ ହୋଇଛି ।

ଡମ୍ପିଂୟାର୍ଡ ଦେଉଛି ଦୁଃଖ । କୋରାପୁଟ ଜୟପୁର ପୌରପାଳିକା ଡମ୍ପିଂୟାର୍ଡକୁ ନେଇ ତେଜୁଛି ଅସନ୍ତୋଷ । ଜୟପୁର ମକାପୁଟ ବାଳିକା ସେବାଶ୍ରମର ୫୦ ମିଟର ଦୂରରେ ଆବର୍ଜନା ଗଦା ହେଉଥିବାରୁ ଦୁର୍ଗନ୍ଧରେ ରହିପାରୁ ନାହାନ୍ତି ବାଳିକା ସେବାଶ୍ରମର ଛାତ୍ରୀ । ସହରର ସମସ୍ତ ଅଳିଆକୁ ଏଠାରେ ପକାଇ ସେଥିରୁ ଜୈବିକ ଖତ ପ୍ରସ୍ତୁତ କରିବା ପାଇଁ କରାଯାଇଥିଲା ଏହି ମୋ ଖତ ପ୍ରସ୍ତୁତି କେନ୍ଦ୍ର । ହେଲେ ଖତ କେନ୍ଦ୍ରରେ ଖତ ପ୍ରସ୍ତୁତ ତ ଦୂରର କଥା, ସେଠାରୁ ବାହାରୁଥିବା ଦୁର୍ଗନ୍ଧରେ ଏବେ ବେହାଲ ନିକଟସ୍ଥ ସ୍କୁଲର ଛାତ୍ରଛାତ୍ରୀଙ୍କ ସମେତ ବସବାସ କରୁଥିବା ସହର ବାସୀ । ମୋ ଖତ ପ୍ରସ୍ତୁତି କେନ୍ଦ୍ରରେ ଚିତବିନୋଦନ ପାଇଁ ଏକ ପାର୍କ ଭି କରା ଯାଇଛି କିନ୍ତୁ ଏଠି ପ୍ରଶ୍ନ ଉଠୁଛ ଦୁର୍ଗନ୍ଧ ଲାଗି ଯୋଊଠି ଲୋକମାନେ ଏକ ମିନଟ ଭି ଠିଆ ହୋଇ ପାରୁ ନାହାନ୍ତି ଶେଠୀ ପାର୍କର ପରି କଳ୍ପନା କାହା ସ୍ଵାର୍ଥରେ ।

ସହର ସଫେଇ ଦାୟିତ୍ଵ ନେଇଥିବା ସଂସ୍ଥା ଗ୍ରୀନ୍ ଟ୍ରିବ୍ୟୁନାଲ୍ଙ୍କନିର୍ଦ୍ଦେଶକୁ ମାନୁ ନଥିବା ଅଭିଯୋଗ ହୋଇଛି । ଘଟଣାକୁ ନେଇ ପୌର ଅଧକ୍ଷଙ୍କ କହିବା କଥା, ପୂର୍ବରୁ ଡମ୍ପିଂୟାର୍ଡ ପାଇଁ ୬ ଏକର ଜମି ରହିଥିବା ବେଳେ ଏହା ପାଖ ଦେଇ ଜାତୀୟ ରାଜପଥ ଯିବାରୁ ଏବେ ଏହା ୪ ଏକରରେ ପହଞ୍ଚିଛି । ବର୍ତମାନ ନୂତନ ସ୍ଥାନ ପାଇଁ ପ୍ରଶାସନିକ ସ୍ତରରେ ଚାଲିଛି ମୋ ଖତକେନ୍ଦ୍ର ପାଇଁ ସ୍ଥାନ ନିରୂପଣ ପ୍ରକ୍ରିୟ । ସେପଟେ ଭାଙ୍ଗି ଯାଇଥିବା ବାଉଣ୍ଡିର ମରାମତି କାମ ଚାଲ ରହିଛି । ସେପଟେ ରାସ୍ତାକୁ ମାଡ଼ିଆସୁଥିବା ମଇଳାର ସମାଧାନ ପାଇଁ ଜେସିବି ଲଗାଯାଇଥିବା କହିଛନ୍ତି ଜୟପୁର ଉପ ଜିଲ୍ଲାପାଳ ।

ଅଧିକ ପଢ଼ନ୍ତୁ ଓଡ଼ିଶା ଖବର: