ଅର୍ଗସ ବ୍ୟୁରୋ: ଯୋଜନା କେନ୍ଦ୍ରର, ହେଲେ ନାଁ ନେଉଛନ୍ତି ରାଜ୍ୟ ସରକାର । ସିଏ ପୁଣି ବେଆଇନ ଭାବରେ...ଥରେ କି ଦୁଇଥର ନୁହେଁ ବରଂ ବାରମ୍ବାର କେନ୍ଦ୍ରୀୟ ଯୋଜନାକୁ ହାଇଜାକ କରୁଥିଲେ ନବୀନ ନାବୁ । ହେଲେ ଏବେ ସମୟ ବଦଳିଛି, ପ୍ରତିବାଦ ବଢିଛି । କେନ୍ଦ୍ରୀୟ ଯୋଜନାକୁ ନିଜ ନାଁରେ କରି ଯେଉଁ ଭୋଟ ବ୍ୟାଙ୍କ ବଢାଇବାକୁ ବିଜେଡି ସରକାର ଚେଷ୍ଟା କରୁଛି ତାହା ଆଉ ଚଳିବ ନାହିଁ...ଗାଁ ଗାଁରେ ଲୋକ ଜାଣିସାରିଲେଣି କି ବିଜେଡି କେନ୍ଦ୍ର ଯୋଜନାକୁ ଚୋରି କରୁଛି । ତେଣୁ ଆଗାମୀ ନିର୍ବାଚନରେ ବିଜେଡି ଏହାର ଜବାବ ପାଇବ ବୋଲି କହିଛନ୍ତି ବିଜେପି ସାଧାରଣ ସଂପାକ ପୃଥୀରାଜ ହରିଚନ୍ଦନ ।

କେନ୍ଦ୍ରରେ ବିଜେପି ସରକାର ଆସିବା ପରେ ରାଜ୍ୟକୁ କୋଟି କୋଟି ଟଙ୍କା ଅନୁଦାନ ଆସୁଛି । ଯାହା କି ପୂର୍ବ ସରକାର ଅପେକ୍ଷା ଢେର ଅଧିକ । ଏହା ପରେ ବି କେନ୍ଦ୍ରୀୟ ଯୋଜନାକୁ ହାଇଜାକ୍‌ କରି ଲୋକଙ୍କ ପାଖରେ ଭୁଲ ବାର୍ତ୍ତା ପହଞ୍ଚାଇବାକୁ ହୀନ ଚକ୍ରାନ୍ତ କରୁଛନ୍ତି ରାଜ୍ୟ ସରକାର । ପୂର୍ବରୁ ପିଏମ ଆବାସ ଯୋଜନାରେ ବ୍ୟାପକ ଚଚଂକତା କରି ବିଜୁ ପକ୍କାଘର ନାଁ ଲେଖିଥିଲେ । ଏମିତିକି ଏପରି ଭୁଲ କାମରେ ନେତାଙ୍କୁ ସାହାଯ୍ୟ କରିଥିଲେ ଅଫିସର । କିନ୍ତୁ ଘଟଣାକୁ ନେଇ ବିଜେପି ପ୍ରତିବାଦ କରିବା ସହ ବ୍ଲକରେ ବୁଲିବୁଲି ଯୋଜନା ସମ୍ପର୍କରେ ଲୋକଙ୍କୁ ଅବଗତ କରିଥିଲା । ଆଉ ବିଜେଡି ସରକାରର ଗୁମର ଖୋଲିଥିଲା । 

୨୪ ବର୍ଷର ସ୍ଥିର ସରକାର । ଲଗାତାର ପାଂଚପାଂଚ ଥର ମୁଖ୍ୟମନ୍ତ୍ରୀ ହୋଇଛନ୍ତି ନବୀନ ପଟ୍ଟନାୟକ । ବାରମ୍ବାର ବିଜେଡି କୁହେ ଓଡ଼ିଶାବାସୀଙ୍କ ବଳ ବିଜୁ ଜନତା ଦଳ । ଯଦି ବିଜେଡିର ଏତେ ଲୋକପ୍ରିୟତା ଅଛି ତାହାଲେ କେନ୍ଦ୍ର ଯୋଜନାକୁ ହରିଲୁଟ୍‌ କରି ଚୋରି କାମ କାହିଁକି କରୁଛି ? କିଛି ଏମିତି ପ୍ରଶ୍ନ ପଚାରିଛନ୍ତି ବିଜେପି ସାଧାରଣ ସମ୍ପାଦକ ପୃଥୀରାଜ ହରିଚନ୍ଦନ । ଖାଲି ଏତିକି ନୁହେଁ ବରଂ ଭୋଟ ବିକଳରେ ବିଜେଡି ଯେମିତି ବାୟା ହେଲାଣି ତାହା ଅଧିକ ଦିନ ଚାଲିବ ନାହିଁ...୨୪ରେ ନିଶ୍ଚୟ ଏହାର ଜବାବ ମିଳିବ ବୋଲି କହିଛନ୍ତି ପୃଥୀରାଜ । ଯାହାକୁ ନେଇ ଏବେ ସବୁଠି ଚର୍ଚ୍ଚା ।