ଅନୁଗୁଳ ଜିଲ୍ଲା ଛେଣ୍ଡିପଦା ଥାନା ଅଞ୍ଚଳରେ ଜୈନେକା ନାନାବାଳିକାଙ୍କୁ ପ୍ରେମ ଜାଲରେ ଫସାଇ ମନ୍ଦିରରେ ବିବାହ କରିବା ସହିତ ୯ ମାସର ଗର୍ଭବତୀ କରିବା ପରେ ପ୍ରତାରଣା କରିବା ଅଭଯୋଗରେ ପୋଲିସ ପ୍ରେମିକକୁ ଗିରଫ କରିଛି l ସୂଚନା ଯେ କଣିହାଁ ଥାନା ଅଞ୍ଚଳର ଜୈନେକା ନାବାଳିକାକୁ କୁଣ୍ଡେଇଗୋଳା ଥାନା ଜରାଛାଟ ଗାଁ ଅର୍ଜୁନ ନାଏକ ପ୍ରେମ କରିବା ସହିତ ଛେଣ୍ଡିପଦା ଥାନା କଇଁଛ ପଦା ମନ୍ଦିରରେ ବିବାହ କରିଥିଲେ l ବିବାହ ପରେ ଅର୍ଜୁନ ଛେଣ୍ଡିପଦାରେ ଏକ ଘର ଭଡା ନେଇ ୮ମାସ ରହିବା ପରେ ଅର୍ଜୁନ ତାଙ୍କ ଗାଁ ଜରାଛାଟ ଯାଇଥିଲେ l

ପୂର୍ବରୁ ଅର୍ଜୁନ ବିବାହିତ ହୋଇଥିବା ବେଳେ ତାଙ୍କର ସ୍ତ୍ରୀ ଓ ଝିଅ ଥିବାରୁ ପରିବାର ଲୋକ ସେମାନଙ୍କୁ ଗ୍ରହଣ କରି ନଥିଲେ l ଏହା ପରେ ଅର୍ଜୁନ ପ୍ରେମିକାକୁ ନିଶା ଶିଳ୍ପାଞ୍ଚଳ ଥାନା କାଳିଆକଟା ଗାଁରେ ଏକ ଭଡା ଘରେ ରଖି ଛାଡି ପଳାଇ ଯାଇଥିଲେ l ଏପରିକି ତାଙ୍କ ମୋବାଇଲକୁ ଫୋନ କଲେ ଫୋନ କାଟି ଦେଇଥିଲେ l ପ୍ରେମିକା ଜଣଙ୍କ ୯ମାସର ଗର୍ଭବତୀ ଥିବା ବେଳେ ନିରୁପାୟ ହୋଇ ଛେଣ୍ଡିପଦା ଥାନାରେ ଲିଖିତ ଅଭିଯୋଗ କରିଥିଲେ l ଅଭିଯୋଗ ପରେ ପୋଲିସ ଛେଣ୍ଡିପଦା ଥାନାରେ ପୋକ୍ସ ଆକ୍ଟ ଅନୁଯାୟୀ ଏକ ମାମଲା ରୁଜୁ କରିବା ସହିତ ଅର୍ଜୁନଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି l